Elorda • 28 Qazan, 2021

«Degdar» syılaǵan dombyra

205 ret

kórsetildi

3 mın

oqý úshin

Nur-Sultan qalasynda «Degdar» gýmanıtarlyq qory arnaýly oqý-tárbıe mekemelerine 160 dombyra tartý etti. «Degdar» gýmanıtarlyq qory «Kúı anasy» respýblıkalyq qorynyń qoldaýymen Dına Nurpeıisovanyń týǵanyna 160 jyl tolýyna oraı jetim balalar men áleýmettik az qamtylǵan otbasylardyń balalaryna 160 dombyra syılady.

Muhtar KÚMISBEK

Is-sharaǵa Mádenıet jáne sport mınıstri Aqtoty Raıymqulova, «Degdar» gýmanıtarlyq qory Qamqorshylyq keńesiniń tóraıymy, Nursultan Nazarbaev qorynyń dırektory Darıǵa Nazarbaeva, «Astana Opera» teatrynyń dırektory Ǵalym Ahmedıarov jáne óner ujymdarynyń ókilderi qatysty.

Saltanatty jıynda Darıǵa Nazarbaeva osyndaı balalarǵa kómek kórsetý árbirimizge paryz ekenin jetkizdi.

«Búgingi kezdesýdiń jóni bólek. «Degdar» gýmanıtarlyq qory balalar mektepteri men ansamblderine mýzykalyq aspaptar syılaıdy. Sonyń nátıjesinde balalar dombyra shertip úırenedi. Bul ıgi is aty ańyzǵa aınalǵan kúıshi Dına Nurpeıisovanyń mereıtoıymen dóp kelip otyr. Kúı anasy óziniń darynymen, batyldyǵymen, mýzykaǵa jáne týǵan jerge degen sheksiz súıispenshiliginiń arqasynda tarıhqa endi. Armanyna jetýde Dına barlyq qıyndyq pen kedergini eńserip, qazaqtyń áıgili kúıshi-kompozıtory atandy. Kúı óneriniń baǵyna týǵan onyń shyǵarmalarynan halyqtyń jany, qazaqtyń keń-baıtaq jeri seziledi», dedi D.Nazarbaeva.

Mýzykalyq aspapqa ıe bolǵan elordalyq balalar Dına Nurpeıisovanyń týyndylaryn oryndap, Instagram paraqshaǵa #DınaNýrpeısovaFondDegdar heshtegimen beınejazba jarııalady.

Basqa oqý oryndarynyń balalary da ataqty kompozıtordyń kúılerin shertip, áleýmettik jelige saldy. Aldaǵy ýaqytta Dına Nurpeıisovanyń mýzykalyq murasyn saqtaýǵa jáne halyq shyǵarmashylyǵyn nasıhattaýǵa baǵyttalǵan chellendj uıymdastyrylady.

160 ulttyq mýzykalyq aspap tómendegi nysandarǵa berildi: E.Asqarov atyndaǵy jas aqyndar mektebi (Soltústik Qazaqstan oblysy, Petropavl q.); «Otbasy úlgisindegi balalar aýyly» KMM (Shyǵys Qazaqstan oblysy, О́skemen q.); K.Shákeev atyndaǵy aqyndar mektebi (Aqmola oblysy, Kókshetaý q.); «Mádenı-saýyq ortalyǵy» KMQK (Qostanaı oblysy, Qostanaı q.); «SOS balalar aýyly» (Nur-Sultan q.); «Er Edige» jyr mektebi (Aqtóbe oblysy, Aqtóbe q.); «Maqat» óner mektebi janyndaǵy balalar orkestri (Atyraý oblysy, Maqat aýdany); «Aınalaıyn» balalar úıi janyndaǵy dombyrashylar ansambli (Almaty oblysy, Taldyqorǵan q.); «Nurǵısa Tilendıev atyndaǵy kópbalaly jáne áleýmettik az qamtylǵan otbasy balalaryna arnalǵan mektep-ınternat», «Nur-Ata» folklorlyq-etnografııalyq oqýshylar orkestri (Jambyl oblysy, Taraz q.); «Oblystyq kórý qabileti buzylǵan balalarǵa arnalǵan arnaıy mektep ınternaty» KMM (Batys Qazaqstan oblysy, Oral q.).