Negizi aǵashtan soǵylyp, temir jáne súıek áshekeıimen órnektelgen kebeje Janbosyn Tekqululy esimdi sheberdiń qolynan shyqqan. Jádigerdi mýzeıge kolónershiniń nemeresi Shahmardan Janbosynov tapsyrypty. Aıta ketý kerek, atalǵan sheber jasaǵan arba, at ábzelderi sııaqty buıymdar da mýzeı tórinen oryn alǵan.
Jalpy, kebeje kóshpeli jáne jartylaı kóshpeli ómir saltyn ustanǵan qazaq halqy úshin asa qajet turmystyq buıymnyń biri boldy. Munda sol zamannyń adamdary kúndelikti turmysta jıi jáne uzaq ýaqyt qoldanǵan zattaryn saqtaǵan.
Ýaqyttyń synyna tótep bergen kebejeni sýretshi-restavrator, Mádenıet qaıratkeri Erǵazy Isataev qalpyna keltirgen.
Budan bólek, Máken Tóregeldın mýzeıiniń ashyq aspan astyndaǵy ekspozısııasy usta jabdyǵymen de tolyqty. Munda kelýshiler qural-saımandar jasaýǵa arnalǵan túpnusqalyq kórigimen, ustanyń temir soǵatyn tósi jáne sheberlerdiń basqa da quraldarymen tanysa alady. Mamandardyń aıtýynsha, mundaı ustahanalar XIX ǵasyrdyń aıaǵy men XX ǵasyrdyń basynda qazaq aýyldarynda jıi kezdesken.
Qaraǵandy oblysy,
Jezdi kenti
