«Biz AQSh Qarýly kúshteriniń shtab bastyqtary komıtetiniń tóraǵasy general Mark Mıllıdiń aıtqan sózderin bilemiz. Qytaıdyń zymyranǵa qarsy qorǵanysty jeńe alatyn shabýyldaýshy kúshterdi qurýǵa baǵyttalǵan gıpersonııalyq jáne ıadrolyq qarý tehnologııasynyń belsendi damýyn baıqap otyrmyz. Biz de qurlyqtyń basqa elderi sııaqty halyqaralyq qaýymdastyqpen birge Qytaıdyń áskerı áleýetiniń tez nyǵaıýyna jáne onyń áskerı belsendiliginiń keńeıýine baılanysty qaýipsizdik máselesine qatty alańdaımyz», dedi Esıkıho Isodzakı.
Buǵan deıin «Financial Times» basylymyna silteme jasaǵan birneshe BAQ Qytaı tamyz aıynda ıadrolyq qarýdy alyp júretin gıpersonııalyq zymyrandy teksergenin jáne bul amerıkandyq barlaýshylardy tańǵaldyrǵanyn habarlaǵan bolatyn. Alaıda QHR SIM ókili Chjao Lıszıan Qytaı gıpersonııalyq zymyrandy emes, ǵarysh apparattaryn synaqtan ótkizdi dep málimdegen edi.
