1 qarashada Aqparat jáne qoǵamdyq damý mınıstrligi jelidegi materıaldardy shekteýge jáne joıýǵa eksklıýzıvti múmkindik aldyq dep málimdegen bolatyn.
Qazaqstan Respýblıkasynyń Úkimetine aqparattyq keńistiktiń qaýipsizdigin arttyrý máselesin sheshýge kómek kórsetý maqsatynda Facebook Qazaqstanǵa ishki «Kontentti habarlaý júıesine» («Content Reporting System» (CRS)) tikeleı eksklıýzıvti qoljetimdilik berdi. CRS mınıstrlikke Facebook jahandyq kontenttik saıasatynyń da, Qazaqstan Respýblıkasynyń ulttyq zańnamasynyń da buzýshylyqtary bar kontent týraly jedel habarlaýǵa múmkindik beredi», delingen mınıstrlik taratqan aqparatta.
Alaıda, Facebook ıeleri Aqparat mınıstrliginiń taratqan aqparaty tolyqtaı shyndyqqa janaspaıdy degendi aıtty.
«Birinshiden, biz Qazaqstan úkimetimen birlesip málimdeme jasaǵan joqpyz, onyń ornyna Qazaqstan úkimeti talqylanyp jatqan máseleni ózdigimen jarııalady. Biz olarǵa jergilikti zańnamany buzatyn kontentti óshirýge qatysty úkimetterdiń ótinimderin jahandyq qaraý máselesin talqylap jatyrmyz», delingen Meta Platforms kompanııasynyń Azııa-Tynyq muhıty aýmaǵyndaǵy saıası baılanys jónindegi dırektory Ben MakKonagıdiń Reuters agenttigine bergen jaýabynda.
Onyń sózinshe, bul prosess Qazaqstan úshin eksklıýzıvti emes, mundaı jumys basqa da elderdiń úkimetterimen júrgizilip jatyr.
