Qasym-Jomart Toqaevqa memlekettiń áskerı qaýipsizdigin qamtamasyz etýge jáne áskerdiń 2030 jylǵa deıingi qurylymyn qalyptastyrýǵa baǵyttalǵan negizgi qujattarǵa qatysty jumystardyń aıaqtalǵany jóninde málimet berildi.
«Budan bólek, Memleket basshysyna «Qaýipsiz el» ulttyq jobasynyń ázirlenýi jáne bekitilýi jaıynda aıtyldy. Bul qujat shetelden qarý-jaraq pen tehnıka satyp alýǵa ǵana emes, sondaı-aq otandyq qarý-jaraq úlgilerin ázirleýge, ınfraqurylymdy jetildirýge, áskerdi sıfrlandyrýǵa baılanysty mindetterdi sheshýge múmkindik beredi. Murat Bektanovtyń aıtýynsha, ulttyq jobanyń negizgi maqsaty – azamattar men memlekettiń qaýipsizdigin qamtamasyz etý», dep habarlaıdy Aqordanyń baspasóz qyzmeti.
Qorǵanys mınıstri Prezıdentke qarý-jaraq pen oq-dárilerdiń qaýipsiz saqtalýyn qamtamasyz etý sharalary týraly jáne Qarýly Kúshterdiń zamanaýı syn-tegeýrinder men qaýip-qaterlerge tótep berýge ázirligi jóninde esep berdi.
Sonymen qatar, Murat Bektanov Joǵarǵy Bas qolbasshyǵa Qazaqstan halqyna arnalǵan Joldaýdy iske asyrý jónindegi Jalpyulttyq jospardyń oryndalýy týraly baıandady. Sondaı-aq Áskerı doktrınany qaıta qaraýǵa jáne ekonomıkanyń naqty sektoryndaǵy suranysqa ıe mamandyqtardy merzimdi qyzmettegi sarbazdardyń meńgerýine qatysty máselelerge jan-jaqty toqtaldy.
Kezdesý qorytyndylary boıynsha, Prezıdent elimizdiń qorǵanys qabiletin odan ári arttyrýǵa baǵyttalǵan birqatar tapsyrma berdi.
