«Quqyq qorǵaý salasy boıynsha kóptegen bastamalar júzege asyryldy. Prezıdent bul máselege erekshe kóńil bóledi. О́tken jyly da, osy jyly da Prezıdent óz Joldaýynda quqyq qorǵaý taqyrybyna arnaıy blok bóldi. Bul Prezıdent Joldaýyndaǵy jańalyqtardyń biri. Memlekettik organdardy adam quqyqtaryn qorǵaý jónindegi júıeli jumysqa baǵyttaý úshin Prezıdent adam quqyqtaryn qorǵaýdyń keshendi jospary týraly Jarlyqqa qol qoıdy. Kóptegen tarmaqtar qarastyrylǵan. Qazir bul bastamalardy júzege asyrý jumystary júrip jatyr. Sońǵy iske asyrylǵan bastamalardan mysal retinde aıta alamyn, Prezıdent óz ýaqytynda barlyq ınstansııalar, polısııa mekemeleri beınebaqylaý júıesimen qamtylýy tıis degen tapsyrma bergen bolatyn. Bul aıtarlyqtaı aýqymdy jumys. Sonymen qatar, Prezıdent soqyr aımaqtardy jabdyqtap qana qoımaı, olarǵa jol bermeý týraly tapsyrma berdi. Qazir bul jumys bastalyp ketti», dep túsindirdi Erlan Qarın.
Onyń aıtýynsha, Úkimet 2021 jylǵa arnalǵan bıýdjetti maquldady. Polısııa mekemeleri, polısııa departamentteri úshin jergilikti bıýdjetten qarajat bólindi.
«Batys Qazaqstan oblysynda bul jumys aıaqtaldy. Qarajat bólindi, kameralar ornatyldy. Jyl sońyna deıin barlyq polısııa departamentteri beınebaqylaý júıesimen qamtylady dep kútilýde, bul 16 myńnan astam kamera», dedi E.Qarın.
