AQSh Memlekettik departamenti men Eýropalyq syrtqy saıasat qyzmetiniń málimetinshe, 2030 jylǵa qaraı metan shyǵaryndylaryn 30%-ǵa tómendetý boıynsha kelisim jasaldy.
«Temperatýranyń ósýin 1,5 gradýs selsıı deńgeıinde shekteý maqsatynda AQSh, Eýropalyq Odaq jáne olardyń seriktesteri resmı túrde metan shyǵaryndylaryn azaıtý bastamasyna qol qoıdy», delingen qujatta.
Kelisimge qol qoıǵan memleketter álemdik ekonomıkanyń 70 paıyzyn quraıdy. Bul elderge álem boıynsha metannyń antropogendik qaldyǵynyń jartysy tıesili. Alaıda qujatqa Reseı, Qytaı, Úndistan qol qoıýdan bas tartty.
«Interfakstyń» habarlaýynsha, parnıktik gazdyń atmosferada jylýdy saqtaý qabileti kómirqyshqyl gazyna qaraǵanda áldeqaıda joǵary. Kóptegen sarapshy metan óndirisi jahandyq jylynýdyń potensıaly kómirqyshqyl gazyna qaraǵanda kóp ekenin aıtyp dabyl qaǵýda. О́ıtkeni metan qysqa merzimde atmosferany jyldam qyzdyrady jáne SO2-ge qaraǵanda tez taralady.
