Pavlodar oblysynda «Brakoner» jedel aldyn alý sharasy jalǵasýda. Polısııa qyzmetkerleri brakonerlik, bıologııalyq resýrstar obektileriniń zańsyz aınalymy faktilerin anyqtaýǵa jáne jolyn kesýge baǵyttalǵan reıdtik is-sharalar júrgizýde. Turǵyndar paıda izdep, qytaılyq jelilermen balyq aýlap, sómkelermen, kóp mólsherde balyq aýlap nemese ruqsatsyz jáne joldamasyz ań aýlap júrgen kezde kóptegen faktiler anyqtaldy. Keıbireýler ańshylyq qarýdy tasymaldaý jáne saqtaý erejelerin saqtamaıdy, bul qaıǵyly saldarǵa ákelýi múmkin.
«12 kún ishinde tabıǵatty qorǵaý polıseıleri 69 zań buzýshylyqty, onyń ishinde 33 zańsyz ań aýlaý faktisin, 30 balyq aýlaý erejelerin buzýdy anyqtady. Polısııa qyzmetkerleri 590 kg zańsyz aýlanǵan balyqty, 6 quqyq buzýshylyq jasaý quralyn, 650 metr qytaılyq óndiris jelisin tárkiledi», dep habarlady Pavlodar oblysy polısııa departamentiniń baspasóz qyzmeti.
