Bul týraly Rıa Novostı málim etti.
«Jer betinde Máskeý ýaqytymen tańǵy saǵat 1-de (Nur-Sultan ýaqyty boıynsha 4:00-de) keıingi jyldardaǵy eń kúshti magnıttik daýyldardyń biri bastaldy. Keıingi kúnderi baıaý tómendegen geomagnıt belsendilik ındeksi tún ortasynan keıin birden 7-deńgeıge kóterildi (eń joǵary mán - 9), bul 5 baldyq shkala boıynsha úshinshi deńgeıdegi magnıttik daýylǵa sáıkes keledi», delingen habarlamada.
Ǵalymdar boljamy boıynsha, Jerdegi magnıt órisiniń turaqsyzdyǵy kem degende 2-3 kún saqtalady, degenmen qazirgi maksımýmǵa qaıta jetýi ekitalaı.
Magnıttik daýyl Nur-Sultan ýaqyty boıynsha 15-18 saǵattan keshikpeı aıaqtalýy kerek.
Fızıkterdiń aıtýynsha, Kún jalynynyń jyldamdyǵy sekýndyna 400-den 800 metrge, al planetaaralyq plazmanyń tyǵyzdyǵy 100 esege jýyq artqan.
«Buǵan deıin keıingi tórt jylda birdeı deńgeıde tórt daýyl tirkelgen: bıyl 12 mamyrda, 2019 jyly 14 mamyrda, 2018 jyly 26 tamyzda jáne 2017 jyly 28 qyrkúıekte. Osy ýaqyt ishinde basqa mańyzdy qubylystar baıqalǵan joq», dedi zertteý ortalyǵy ókilderi.
