Qazgıdromet boljamyna qaraǵanda, 5-6 qarashada túnde jáne tańerteń Soltústik Qazaqstan oblysynyń soltústik-batysynda tuman túsedi. Ońtústik-batystan, batystan jel soǵady. 5 qarasha kúni túnde oblystyń ońtústik-shyǵysynda, kúndiz táýlik boıy, 6 qarasha kúni óńirdiń basym bóliginde jeldiń kúshi sekýndyna 15-20 metrge jetedi. Petropavlda 5 qarasha kúni táýlik boıy, 6 qarashada ońtústik-batystan, batystan jel soǵady, kúshi sekýndyna 15-20 metrge jetedi.
5 qarasha kúni Batys Qazaqstan oblysynda jel ońtústik-shyǵystan, ońtústikten soǵady, kúndiz oblystyń ońtústiginde jeldiń ekpini 15-20 m/s-qa jetedi.
Qyzylorda oblysynyń ortalyǵynda shańdy daýyl turady. Jel soltústik-shyǵystan soǵady, oblystyń ortalyǵynda jáne ońtústiginde jyldamdyǵy sekýndyna 15-20 metrge jetedi. Qyzylordada 5 qarasha kúni jel soltústik-shyǵystan soǵady, kúndiz ekpini 15-20 m/s bolady.
5-6 qarashada Túrkistan oblysynyń soltústiginde shańdy daýyl turady. Shyǵystan jel soǵady, oblystyń soltústiginde, batysynda, taý jáne taý bókterli aýdandarynda jeldiń kúshi sekýndyna 15-20 metrge, 5 qarashada taýly aýdandarda ekpini 23-28 m/s bolady.
Shymkentte 5 qarashada shyǵystan ekpini 15-20 m/s jel soǵady. Túrkistanda 5 qarashada shyǵystan jel soǵyp, ekpini sekýndyna 15-20 metrge jetedi.
Kúndiz 5 qarasha kúni Aqmola oblysynyń soltústiginde batystan, ońtústik-batystan jel soǵady, ekpini 15 m/s bolady. Kókshetaýda 5 qarashada kúndiz batystan, ońtústik-batystan jel soǵyp, ekpini 15 m/s-qa jetedi.
