Oqý-jattyǵýdyń ashylýy rásimi búgin Qazandaǵy Jýkov Qyzyl tý ordendi joǵary komandalyq tank ýchılıshesiniń polıgonynda ótedi.
Oqý-jattyǵýdyń negizgi maqsaty – beıbitshilikti qoldaý jónindegi operasııalardy júrgizýde UQShU Ujymdyq bitimgershilik kúshteriniń quramyna kiretin áskerı bólimder men bólimshelerdiń úılesimdiligin arttyrý. UQShU Ujymdyq kúshteriniń toptary aldynda bitimgershilik operasııany daıyndaý jáne júrgizý boıynsha tapsyrmalardy pysyqtaý mindeti tur. Bitimgerlerdiń oqý-jaýyngerlik tapsyrmalaryna bosqyndar lagerinde jumys isteý, gýmanıtarlyq júgi bar lekterdi alyp júrý, daǵdarys aýdanynda ornalasqan eldi mekendi oqshaýlaý jáne tosqaýyl beketterinde qyzmet uıymdastyrý kiredi.
Oqý-jattyǵýdyń qorytyndy bóliginde Ujymdyq kúshterdiń toptary jaýyngerlik bólimshelermen «sodyrlar» ornalasqan ǵımaratqa shabýyl jasap, «kepilge alynǵan adamdardy» bosatady, zardap shekkenderge kómek kórsetedi.
Serbııa Respýblıkasy men Halyqaralyq Qyzyl Krest komıtetiniń ókilderi oqý-jattyǵýdyń baqylaýshylary retinde qatysady.
