Ýkraına Parlamentiniń birinshi vıse-spıkeri Aleksandr Kornıenko «Slýga naroda» prezıdenttik partııasynyń basshysy qyzmetin bosatý týraly sheshim qabyldady. Bul týraly parlamenttik fraksııanyń baspasóz hatshysy Iýlııa Palııchýk málimdedi.
Kornıenko qazan aıynda Joǵarǵy Rada basshylyǵyna saılandy. Buǵan deıin ol saıası bılikti basqarýdy jalǵastyratynyn jáne birinshi vıse-spıker laýazymyna saılanǵannan keıin buǵan zańmen tyıym salynbaıtynyn aıtqan bolatyn.
«Aleksandr Kornıenko «Slýga naroda» saıası partııasynyń tóraǵasy qyzmetin bosatý týraly sheshim qabyldady. Bul onyń Parlament jumysyn reformalaýǵa, birinshi vıse-spıker laýazymyna tereńirek kóńil bólý nıetimen baılanysty. Qarasha aıynda partııanyń sezi ótedi, onda basshylyqqa kim keletini málim bolady», dedi Palııchýk.
