Qazaqstan Prezıdenti polshalyq áriptesin Varshavanyń aldaǵy jylǵy Eýropadaǵy qaýipsizdik jáne yntymaqtastyq uıymyna tóraǵalyǵymen quttyqtap, is júzinde tyǵyz yqpaldastyq ornatýǵa, sonyń ishinde EQYU-nyń 2010 jylǵy Astana sammıtinde qabyldanǵan málimdemelerdi júzege asyrýǵa daıyn ekenin naqtylady.
Andjeı Dýda Qasym-Jomart Toqaevqa Polsha tóraǵalyǵynyń negizgi basymdyqtary, sonyń ishinde shıelenisip ketken qaqtyǵystardy Uıym aıasynda retteýge septigin tıgizý jóninde málimet berdi.
Taraptar Qazaqstan men Polsha arasyndaǵy kópjaqty yntymaqtastyqtyń qarqyndy damyp kele jatqanyn atap ótti. Ekonomıkanyń negizgi sektorlaryndaǵy ınvestısııalyq yntymaqtastyqty keńeıtýge eki jaq ta múddeli ekenin bildirdi.
Qazaqstan men Polsha prezıdentteri Aýǵanstandaǵy qazirgi ahýalǵa qatysty pikir almasty. Qasym-Jomart Toqaev pen Andjeı Dýda aýǵan daǵdarysy gýmanıtarlyq problemalardy, terrorızm men ekstremızmge, zańsyz mıgrasııa men esirtki tasymalyna qarsy kúres máselelerin sheshý úshin barlyq múddeli taraptyń belsendi ári konstrýktıvti túrde atsalysýyn qajet etedi degen ortaq pikirge keldi.
Áńgimelesý sońynda prezıdentter aldaǵy kezeńge arnalǵan ekijaqty is-sharalar kestesin talqylady.
