Kıno • 09 Qarasha, 2021

Túrkııa kınofestıvalin «Tomırıs» ashty

59 ret kórsetildi

Keshe túbi bir túrki dúnıesiniń basyn qosyp, ónerin sarapqa salatyn kóp­ten kútken Korkut Ata TurkicWorld Film Festival kıno baıqaýy sulý Ystan­bul shaharynda shymyldyq túrdi. Túrki álemi ónerin ulyqtaıtyn úzdik fılmder sherýine elimizdiń atynan birneshe týyndy qatysady dep kútilýde. Al otandyq ónerdiń kóshin bastap barǵan rejısser Aqan Sataevtyń «Tomırıs» tarıhı fılmi ataýly festıvaldi resmı túrde ashty.

Ulttyq ónerimizge kórsetilgen bul qurmet shyn máninde qazaq kıne­ma­tografynyń mereıi eke­ni sózsiz. Qarashanyń 8-12-i ara­ly­­­ǵynda Túr­kııa­da alǵash ret ótki­zil­geli otyr­ǵan Korkut Ata kı­no­­festıvaline bıyl 13 elden barlyǵy 42 kınotýyn­dy qaty­sady. Fes­tıval sheń­be­rin­de Qazaq­stan, Ázerbaıjan, Qyr­ǵyz­stan, О́zbekstan, Tatarstan syndy Túrki álemi elderiniń kınogerleri túrli ba­ǵytta, sonyń ishinde tarıhı, fantas­tıka, derekti jáne anımasııa janryn­da túsirilgen úzdik týyndy­laryn usynatyn bolady.

Qazaqstannyń atynan atal­ǵan fılm-sherýge birne­she kórkem­týyn­dy qaty­sady. Fes­tı­valdiń basty baıqaýla­ry­nyń biri – kórkem fılmder baǵdarlamasynda Rústem Ábdirashevtyń «Qazaq handyǵy. Altyn taq» kórkem fılmi, derekti fılmder baıqaýynda rejısser Baqyt Qaıyrbekovtiń «Qutyda janǵan alaý» týyndysy baq synaıdy. Al anımasııalyq fılmder baıqaýynda Adaı Ábeldınovtiń «Kúltegin» tarıhı tolyqmetrli anı­ma­sııalyq fılmi kórsetiledi.

Sonymen qatar, festıvaldiń tarıhı týyndylaryna arnalǵan baǵ­darlamasynda Satybaldy Na­rym­­betovtiń «Amanat» fılmi kór­­­se­tilse, al «Zamanaýı fantas­tıka» baıqaýynda kórermenderge Bekarys Elýbaıdyń «Oazıs» fılmi usy­ny­la­tyn bolady.

Korkut Ata Turkic World Film Festival kınofestıvaliniń tu­saýyn kesý mártebesi buıyrǵan «Tomırıs» fılmi túrik jurt­shy­lyǵyna tań­syq emes, az ýaqyt ishinde Túrkııa eline keńinen tanylyp, kórermenniń súıis­pen­shiligine bólenip úlgergen úzdik týyndylardyń biri. Olaı deı­tinimiz, osydan týra úsh jyl buryn – 2019 jyly Mádenıet jáne sport mınıstrliginiń tapsyrysy bo­ıynsha Sataifilm kompanııasynyń qatysýymen «Qazaqfılm» kınostýdııasy túsirgen qazaqstandyq týyndy bıyl qyrkúıek aıynda Túrkııada prokatqa shyǵyp, 200-den astam kınoteatrda kór­se­til­gen bolatyn. Endi mine, sol «To­mırıske» túrki ále­mine ortaq fes­tıvaldiń shymyl­dy­ǵyn túrý ba­qyty buıyrdy.

Túrkııada ótetin kınofestıval­ge Qazaqstannyń atynan KSRO ha­­­lyq ártisi, Eńbek Eri Asanáli Áshimov, «Qazaqfılm» kıno­stý­dııa­­synyń prezıdenti Aqan Sataev, kınostýdııanyń óndiris boıynsha vıse-prezıdenti Aıdar Batalov, «Ulttyq kınony qoldaý memlekettik ortalyǵy» KEAQ Bas prodıýseri Adaı Ábildınov, Qazaqstannyń eńbek sińirgen qaıratkeri Berik Aıtjanov, aktrısalar – Álmıra Tursyn men Arýjan Jazylbekova, rejısser Nurǵısa Álmurat, prodıýser Nurlan Qoıanbaev bastaǵan kıno óneriniń maı­talmandary qatysty.

Sońǵy jańalyqtar

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Zeınetkerlerge avtonesıe berile me?

Qoǵam • Búgin, 12:18

Esirtki satatyn 655 saıt buǵattaldy

Qoǵam • Búgin, 12:09

Uqsas jańalyqtar