Batys Qazaqstan oblysynda avtogaz baǵasy lıtrine 120 teńgege deıin kóterildi. Keıbir avtogaz quıý stansııalarynda otyn tek talon boıynsha beriledi. Suıytylǵan gaz 1 qarashadan keıin qymbattap ketken. BQO energetıka jáne turǵyn úı-kommýnaldyq sharýashylyq basqarmasy 5 myń tonna avtogaz qajet bolǵan jaǵdaıda óńirge 1 myń tonnaǵa jýyq avtogaz jiberilgenin habarlady. Suıytylǵan gazdyń qalǵan kólemin ótkizýshiler elektron saýda alańdarynda satyp alýy tıis. Tapshylyq joq.
Avtobýs júrgizýshileri avtogazdyń qymbattaýyna narazylyǵyn bildirdi. Jol júrý baǵasyn Oral-Aqsaı jáne Oral-Atyraý baǵytyndaǵy taksı júrgizýshileri kóterip jibergen.
Jyl basynan beri avtogaz Qostanaıda eki ese qymbattady. Eger qańtarda kógildir otyndy lıtrine 65 teńgeden quıýǵa bolatyn bolsa, qazir onyń quny 124,9 teńgege deıin ósti. О́ńirdiń otyn naryǵyndaǵy sońǵy dúrlikpe qyrkúıektiń aıaǵynda boldy, gaz tapshylyǵynan qostanaılyq júrgizýshilerge avtogaz tek talon arqyly berilgen. Keıin jaǵdaı turaqtaldy, biraq baǵa ósip jatyr.
Bir aıdan asa ýaqyt boıy О́skemende avtogaz baǵasy ózgerissiz qaldy. Shyǵys Qazaqstan oblysynyń ortalyǵynda gaz lıtrine 120 teńge turady.
«Gaz baǵasy shamamen bir aı burynǵy 99 teńgeden birden 120 teńgege deıin ósti. Ázirge ustap tur. Eger taldaý júrgizsek, bıylǵy aqpannan bastap gazdyń quny eki esege jýyq – 67 teńgeden 120 teńgege deıin ósti», dedi О́skemendegi janarmaı quıý sansııasy qyzmetkeri Galına.
Júrgizýshi Serik Qumarǵajınniń aıtýynsha, qalada gaz tapshylyǵy joq. Alaıda, ol janarmaı baǵasynyń turaqsyzdyǵyna alańdaıdy.
Pavlodarda avtogazdyń quny lıtrine 103 teńgeden 105 teńgege deıin aýytqyp tur. Tek bir iri JQS jelisi avtogazdy talon boıynsha beredi. Ol keshegi kúnge deıin gazdy lıtrine 92 teńgeden satty, biraq 8 qarashadan bastap munda baǵa 103 teńgege deıin kóterildi. Aıta keteıik, iri janar-jaǵarmaı quıý stansııalarynda bir lıtr gazdyń baǵasy 100 teńgeden 105 teńgege deıin ósken.
Soltústik Qazaqstan oblysynda energetıka jáne TKSh basqarmasynyń málimetinshe, avtokólikterge janarmaı quıý úshin gaz satýmen 7 gazben jabdyqtaý uıymy aınalysady. Olardyń qorynda 833 tonna kógildir otyn bar, jaqyn kúnderi taǵy 809 tonna jetkiziledi dep kútiledi. Qazannyń aıaǵynda óńirde gaz quny orta eseppen 10 teńgege ósken. Ákimdik málimetinshe, ósim elektron saýda alańyndaǵy baǵanyń ósýine baılanysty. Qazir janarmaı quıý beketterindegi gazdyń ortasha baǵasy 110-130 teńge aralyǵynda.
