Memorandýmnyń maqsaty – ýnıversıtet stýdentterine kásibı daǵdylardy damytýǵa, bilim alýshylardyń taǵylymdamadan ótýi men túlekterdiń jumysqa ornalasýyna kómek kórsetý, jastar saıasaty salasyndaǵy tıimdi yntymaqtastyq esebinen zııatkerlik elıtany qalyptastyrýǵa baǵyttalǵan basymdyqtardy, birlesken mádenı-bilim berý baǵdarlamalary men jobalaryn júzege asyrý, joǵary oqý oryndary men jalpy bilim beretin mektep oqytýshylarynyń biliktiligin arttyrý.
Memorandým aıasynda óskeleń urpaqtyń azamattyq sanasyn qalyptastyrý úrdisin ǵylymı-taldamalyq jáne saraptamalyq qamtamasyz etý jáne jalpy jáne qosymsha bilim berýdiń qurylymy men mazmunyn jetildirýdi ǵylymı-ádistemelik qamtamasyz etý, nysanaly áleýmettik mańyzy bar jobalar men is-sharalardy birlesip uıymdastyrý, taraptardyń qyzmetin jaqsartýǵa baǵyttalǵan birlesken ınnovasııalyq jobalardy daıyndaý jáne júzege asyrý, sonymen birge bilim, ǵylym jáne mádenıet salalarynda tájirıbe men bilimmen, sondaı-aq ózara qyzyǵýshylyq týdyratyn aqparatpen almasý kózdelgen.
Darhan Bilálov Abaı ýnıversıteti elimizdiń pedagogıkalyq biliminiń flagmany retinde mekteptermen ózara yntymaqtastyqtyń basymdyǵyna toqtaldy. «Qalanyń 9 mektebinde kafedra ókildikteri bar, bizdiń oqytýshylarymyz jyl saıyn forýmdar men semınarlar ótkizedi jáne bul jumys jalǵasa bereri sózsiz. Sońǵy eki jylda bizdiń pedagogtar mektepterge arnalǵan 800-den astam oqýlyq daıyndady. Pedagog kadrlardy daıarlaý ınnovasııalyq nysanda dýaldy bilim berý elementterin paıdalana otyryp júzege asyrylady, onyń aıasynda 4-shi kýrsta úzdiksiz praktıka júrgiziledi. Bizde bilim berýdi damytýǵa jáne bilim berý uıymdaryn biriktiretin pedagogıkalyq qoldaýǵa baǵyttalǵan birqatar ıdeıalar bar. Bizdiń ózara tıimdi yntymaqtastyǵymyz osy baǵytta jalǵasady dep senemin», dep atap ótti Darhan Bilálov.
Almaty qalalyq Bilim basqarmasynyń basshysy Lázzat Jylqybaeva taraptar dýaldy tájirıbeni keńeıtetinin aıtyp, «Informatıka-robototehnıka» bilim berý baǵdarlamasy mamandarynyń qajettigin atap ótti.
Osy Memorandým aıasynda Qazaqstan Respýblıkasynda bilim berýdi jáne ǵylymdy damytýdyń 2020-2025 jyldarǵa arnalǵan memlekettik baǵdarlamasyndaǵy «Qazaqstandyq bilim men ǵylymnyń jahandyq básekege qabilettiligin arttyrý jáne jalpyadamzattyq qundylyqtar negizinde tulǵany tárbıeleý jáne oqytý» maqsatyna sáıkes ýnıversıtettiń jan-jaqty praktıkalyq damýyn jaqsartý úshin «JOO + mektep = joǵary sapaly maman» jáne «Bolashaq pedagog» jobalaryn iske asyrý usynyldy. Bul jobalar orta bilim berýdi damytýǵa baǵyttalǵan. Osy oraıda vedomstvolyq baǵynystaǵy mektepterden 3 baǵyttaǵy mektepter anyqtalyp, anyqtalǵan mektepterdiń álsiz tustary taldanady. Ýnıversıtet tarapynan jumys toby qurylyp, mekteptiń ár baǵyty boıynsha damytý jumystary júrgiziletin bolady.
