Maldyń jappaı qyrylý máselesiniń sheshimin usyndy

– Elimizdiń arıdtik aımaq­ta­ryn­da qalyptan tys ystyq aýa raıy men jaýyn-shashynnyń az bolýy sebepti qýańshylyq ornap, malǵa qajetti azyqtyń bolmaýy kezdesedi. Qýańshylyq, jemshóptiń joǵary baǵasy – bul aımaqtarda maldyń azaıýyna, jeke tabystyń joǵalýyna qaýip tóndiredi. Azyq-túlik rasıonynda konservilengen, untaqty hlorellany qoldaný mal sanynyń qyrylýyna jol bermeıdi, – deıdi avtor.

Hlorella – tiri orga­nızm­der­diń tolyq ósýine qajetti fo­lıı qyshqyly, kalsıı, fos­for, kobalt, magnıı, myrysh sııaqty organıkalyq jáne beıorganıkalyq zattardyń keń spektrine ıe baldyrlar ókili.

NIS oqýshylary arasynda ótken ǵylymı jobalardyń jelilik baıqaýynda Darıa hlorellany ósirýdiń neǵurlym tıimdi ádisin anyqtaý maqsa­tyn­daǵy jumysyn usyndy. Ol úshin oqýshy hlorellany tórt bólek bes lıtrlik ydysta túrli jaǵdaıda ósirip kórgen.

– Hlorella ósirýdiń eń jyldam jáne tıimdi ádisin tabý jáne ony azyqqa qoldaný – ózekti másele. Hlorella sýspenzııasy ári joǵary kalorııaly azyq qospasy, ári qoljetimdi. Kez kelgen fermer hlorellany salystyrmaly túrde tómen baǵamen ósirip, ony tyńaıtqysh retinde qoldana alady, deıdi jas ǵalym.

Aıta keteıik, 2021 jyldyń kók­tem-jaz maýsymy Mań­ǵys­taý jáne Qyzylorda oblys­ta­ry­nyń sharýalary úshin ońaı tıgen joq: kóktemgi jaýyn-shashynnyń azdyǵy men azyq tap­shylyǵynan óńirlerdegi mal sharýashylyǵy salasy zardap shekti. Budan bólek, eldiń shyǵys, batys jáne soltústik bólikterinde maldyń jappaı qyrylýynyń jekelegen jaǵ­daı­lary tirkelgen bolatyn, dep habarlady Nur-Sultan Ha­lyq­ara­lyq mektebiniń baspasóz hatshysy Quralaı Isaeva.