Jol sapasyn baqylaıdy

Monıtorıng jasaýshylar Jam­byl aýdanyndaǵy «Presnov-Jekekól-Qaırankól» baǵy­tyn­da­ǵy 17 shaqyrymdyq joldyń sapasyn tekserdi. Bul joldyń tańdalýy tegin emes. Kaz Fortis JShS jóndegen bul jol 2019 jyly salynyp bitken. Sol jyly «Sapaly jol» jobasynyń sheń­be­­rinde sapasy tekserilgende kóp­tegen jetispeýshilik bary anyq­talǵan. Istiń aıaǵy sotqa je­tip, merdiger kompanııaǵa 2021 jyldyń qazan aıynyń aıaǵyna deıin jetispeýshilikterdi joıý mindettelgen bolatyn. Bul joly sol mindetterdiń oryndalýy qa­da­ǵalandy.

Arnaýly aspappen asfalt­tyń qalyńdyǵy men tósel­gen materıaldardyń sapasyn tekserý barysynda jańadan tóselgen joldyń standarttarǵa sáıkes emes ekendigi anyqtaldy. Juqa tóselgen asfalt álden jarylyp ja­tyr. Sonymen qatar buryn qaı­ta tóselsin degen jerler sol qal­pynda qozǵalmaǵan.

Joldy jóndeýge tapsyrys berýshi monıtorıngtik top­tyń deregi boıynsha sottyń sheshi­min oryndamaǵan merdigerge jetis­peýshilikterdi joıý úshin res­­mı túrde shekteýli ýaqyt ber­di. Eger ol oryndalmasa jol jóndelmegen árbir kún úshin 10 AEK kóleminde ósim saly­natyny eskertildi. Bul sot­tyń sheshiminde buryn qarastyrylǵan bolatyn. Eger sot sheshimi oryndalmasa merdiger ákimshilik quqyqbuzýshylyq boıynsha jaýapqa tartylatyn bolady. BAQ pen qoǵamdyq oryndar ókilderinen turatyn arnaıy jumys toby jol jóndeý jumystaryn qadaǵalaıtyn bolady.

Jol salý men jóndeý jumys­ta­rynyń sapasyna osyndaı baqy­laý­lar jasalmasa – basqa amal joq.

Soltústik Qazaqstan oblysy