«Bıylǵy qańtar-qazan aılarynda Qazaqstan ekonomıkasynyń ósý kórsetkishi 3,5%-dy qurady. Osy kezeńde negizgi trendter boıynsha qyzmet kórsetý sektoryndaǵy ósý qarqynynyń jedeldeýi, óńdeý ónerkásibi men qurylys salalaryndaǵy ekonomıkanyń ósýi men turaqtylyǵynyń draıverleri bolyp qala berýi, eksporttyń joǵary ósim dınamıkasy, óndirýshi emes sektorlardaǵy joǵary ınvestısııalyq belsendiliktiń saqtalýy baıqaldy», dedi mınıstr Úkimettiń búgingi otyrysynda.
Onyń aıtýynsha, bıylǵy qańtar-qazanynda naqty sektordaǵy ósim 2,9% qurady. Al qyzmet kórsetý salasyndaǵy iskerlik belsendilik 3,4%-ǵa deıin ósti.
«Salalar arasynda aqparat jáne baılanys, saýda, sýmen jabdyqtaý, qurylys, elektrmen jabdyqtaý, óńdeý ónerkásibi joǵary ósim kórsetýde», deıdi Á. Erǵalıev.
