«Jalpy epıdemıologııalyq jaǵdaı turaqty bolyp tur. Infeksııalyq aýrýhanalardaǵy oryndardyń júktemesi 30 paıyz, al reanımasııalyq oryndardyń júktemesi 26 paıyzdy qurap otyr. Degenmen, bul aýrýdyń Eýropanyń birqatar elderinde jáne de shekaralas elderde óskenin eskersek, sanıtarııalyq talap is-sharalary jappaı saqtalýǵa tıis. Barlyq óńirlerde ákimdikter sanıtarııalyq talaptardyń saqtalýyn baqylaıtyn monıtorıng toptarynyń jumysy men tıimdiligin kúsheıtsin. Sanıtarııalyq rejımdi buzýǵa jol bergenderge qatań shara qoldaný kerek», dedi Úkimet basshysy.
Onyń dereginshe, qazirgi ýaqytta 8,5 mln-nan astam adam birinshi komponentti, 7,7 mln adam ekinshi komponentti saldyrdy. Al 22 qarashadan bastap revaksınasııalaý bastalady.
«Osyǵan baılanysty egý pýnktteriniń, medısına uıymdary men medısına jumyskerleriniń ázirligin qamtamasyz etý qajet», degen Asqar Mamın jalpy baqylaýdy orynbasary Eraly Toǵjanovqa júktedi.
