«Ulttyq halyq sanaǵy aıaqtaldy. Sanaq el turǵyndarynyń barlyq sanatyn qamtydy. Onlaın saýalnamadan halyqtyń 42,5%-y ótti. Jappaı aralap shyǵý arqyly sanaqpen 57,5% adam qamtyldy. El turǵyndary onlaın sanaqtan ótýge belsene qatysty», dedi Ulttyq statıstıka bıýrosynyń basshysy.
Onyń sózinshe, halyq sanaǵyna sanaq personalynyń 25 myńǵa jýyq adamy, sondaı-aq ulttyq statıstıka bıýrosynyń aýmaqtyq bólimsheleri men ortalyq apparatynyń qyzmetkerleri qatysty.
«Ulttyq statıstıka bıýrosy alynǵan derekterdi óńdeýge kiristi. Aldyn ala derekterdi jeltoqsanda usynýdy josparlap otyr. Sanaqtyń qysqasha qorytyndysy 2020 jyldyń shildesine josparlanǵan. 2023 jyldyń birinshi toqsanynda sanaqtyń tolyq qorytyndysyn jarııalaımyz», dedi Aıdapkelov.
Aıta keteri, bıyl halyq sanaǵy alǵash ret elektrondy formatta ótkizildi.
Úkimet basshysy osy mańyzdy sanaqqa belsendi qatysqan qazaqstandyqtarǵa, sondaı-aq ulttyq statıstıka bıýrosynyń qyzmetkerleri men naýqanǵa jumyldyrylǵan azamattarǵa alǵys bildirdi.
