Fransııa elimizdiń Eýropalyq Odaqtaǵy strategııalyq áriptesi bolyp tabylatynyn atap ótken Májilis Spıkeri Qazaqstan basshylyǵynyń ekijaqty saıası baılanystardy nyǵaıtýǵa, sondaı-aq Qazaqstan men Fransııa arasyndaǵy saýda-ekonomıkalyq ózara is-qımyldy keńeıtýge erekshe nazar aýdaratynyn atap ótti.
Nurlan Nyǵmatýlın Memleket basshysynyń bastamasymen elimizde ótip jatqan saıası júıeni reformalaý, ekonomıkany jańǵyrtý, azamattyq qoǵamdy damytý úderisterine toqtala ketti.
Ekijaqty yntymaqtastyqty tereńdetýdiń perspektıvalyq baǵyttary týraly aıta kele, taraptar kólik jáne energetıka, densaýlyq saqtaý jáne bilim berý salalaryn atap ótti. Fransııa elshisi Dıde Kaness atap ótkendeı, turaqty damý jáne «jasyl» ekonomıkaǵa kóshý salasyndaǵy qarym-qatynastardy damytý basymdyqqa ıe. Budan basqa, Qazaqstan men Fransııanyń aýyl sharýashylyǵyndaǵy ózara is-qımyl úshin áleýeti zor.
«Biz bul salada Qazaqstan – Uly aýylsharýashylyq eli jáne Fransııa – Eýropadaǵy alǵashqy agrarlyq el ekenin eskere otyryp, asa belsendi emespiz», dedi Dıde Kaness.
Nurlan Nyǵmatýlınniń aıtýynsha, salalyq komıtetter men yntymaqtastyq toptary arasyndaǵy turaqty kezdesýler tájirıbesin jańartý zańnamalyq qyzmet tájirıbesimen, onyń ishinde ónerkásipti ekologııalyq transformasııalaý, sıfrlandyrý sekildi máseleler boıynsha almasýǵa yqpal etedi.
