Kommýnaldyq qyzmet qysqa saqadaı saı ma?

PIK basshylary tur­ǵyn­­dardan jınalatyn aq­shany qa­laýynsha jum­sap, eshqandaı naq­ty esebi bol­ma­ǵan soń tur­ǵyn úılerge jón­­deý ju­mystaryn baqy­laý da tıimsiz edi. Al jańa qu­ry­lym­da naqtylyq bolǵan soń tur­ǵyn­dar aqshasynyń qaı­da jum­salyp jatqanyna esep be­rý men baqylaý artýǵa tıisti bo­­latyn.

PIK-ter 2022 jyldyń 1 shildesine deıin ózgertilip, ornyna MIB-ter nemese qara­paıym seriktestikter (QS) qu­rylýǵa tıisti bolatyn. Qa­­rapaıym seriktestikter de­­­ge­nimiz – azamattyq kelisim ne­gi­zinde jalpyúıge tıesili múlikterdi birlese basqarý men úıdi ustaý.

Búgingi tańda Petropavl qalasynda 1 070 kópqabat­ty turǵyn úı bar. Búgingi tań­­­­da sonyń 50-de ǵana MIB tirkelgen. 475-de QS qu­­ryl­ǵan. Qal­ǵan 545 úı es­­ki ádispen bas­qa­ry­lý­da. Osy­nyń ózi qala­lyq ákim­­dik­tiń turǵyn úı-kom­mý­nal­dyq sharýashylyǵy bó­li­­mi­niń tıimdi jumys isteı al­­maı otyrǵanyn kórsetip tur. MIB-terdiń áli kúnge óris almaǵany halyq úshin tıim­di basqarý ádisiniń tur­ǵyn­dardyń uǵymyna jetpeı jat­qanynda ekeni daýsyz.

Qylyshyn súıretken qys­qa qala kósheleri men jol­darynyń daıyndyqtary da joǵary deńgeıde bolmaı tur. 2021 jyldyń 5 qańtarynda bekitilgen kelisimshartqa sáı­kes qalany 2021 jyldyń 31 jel­toqsanyna deıin 12 ká­sip­oryn qardan tazalap, avtojoldardyń du­rys, taza bolýyn qadaǵa­laýǵa tıisti edi. Osy 12 kásip­oryn­nyń qaramaǵynda avtogreıder, traktorlar, býldozerler, qum tósegishter sııaq­ty 135 birlik tehnıka bar dep jarııalanǵan. Alaıda byl­tyrǵy qysta qar shyǵarý, jol­dardy arshý óte nashar bo­lyp, halyqtyń ashý-yza­syn týǵyzdy. Qalyń qar talaı joldy basyp qalyp, kólik qoz­ǵalysyna kedergi keltirdi. Endi sol kásiporyndar bıylǵy qystyń ortasyna deıin de qalany qardan tazalamaq. «Aýzy kúıgen úrlep ishedi» degendeı halyq bulardyń jumysyna qanaǵattanbaı otyr. Byltyrǵydaı qala­nyń ortalyq kósheleri ǵana tazalanyp, basqa aýdandardyń tur­ǵyndary azap shekpese boldy.

Qardan jáne aıaq as­tyn­­­daǵy kókmuzdaqtan tazar­­tylatyn oblys ortaly­ǵy­nyń aýmaqtary 10 mar­shrýt­qa bólingen. Qalanyń bar­lyq 323 kóshesi men 366 shaqy­rymdaı bolatyn tas jáne qumtopyraq joldary baqy­laýǵa alynbaq. Onda tazalyq júrgizetin tehnıkalar kúnine 9 saǵattan jumys isteıdi dep belgilengen. Budan basqa 20 birlik tazalaǵysh tehnıka­lary bar «Kommýnhoz-Pet­ropavlovsk» JShS trotýar­lar men aıaldama pavılon­daryn tazalap, kóktaıǵaq bol­­mas úshin qum aralasqan tuz seýip otyrady. Qalalyq turǵyn úı-kommýnaldyq sha­rýashylyǵy bólimi turǵyndar júretin barlyq jol ha­lyqqa kedergi bolmaýy úshin tek túngi mezgilderde tazartylatynyn jáne qar shyǵara­tyn tehnıkalar da túnde ju­mys isteıtinin aıtady. Bul ju­mystarǵa árbir túni 90 birlik tehnıka shyǵarylmaq.

Sonymen qatar jaıaý júr­ginshiler jolyna tóseletin 500 tekshe metr qumdy tuz qazirdiń ózinde daıar tur. Bul jumyspen arnaıy aınalysatyn úsh kásiporyn bar. Olar­dyń bári de arnaýly tehnıka­larmen jabdyqtalǵan. Kók­taıǵaqty joıatyn arnaıy «Ledorýb – EKO» mate­rıa­ly­nyń da qajetti mólsheri daıyndalǵan.

Sóıtip qala kósheleri men turǵyndar joldaryn tazar­týǵa kommýnaldyq qyzmetter daıyn ekendigin sóz júzinde aıtyp tur, endi tek is júzinde belgilengen jumystary sapaly bolsa eken deısiń.

PETROPAVL