Koronavırýs • 11 Qarasha, 2021

Almatyǵa Pfizer vaksınasy keldi

80 ret kórsetildi

Pfizer vaksınasynyń 46 800 dozasy Almaty qoǵamdyq densaýlyq saqtaý basqarmasynyń qoımasyna jetkizildi, dep habarlaıdy Egemen.kz.

Búgin «Komırnatı» vaksınasy áýejaıdan Qoǵamdyq densaýlyq saqtaý basqarmasy vaksınalardyń ortalyqtandyrylǵan qoımasyna kelip tústi. Endi atalǵan vaksına Almaty qalasynyń barlyq emhanalyq uıymdaryna bólinetin bolady.

«Biz vaksınanyń temperatýralyq rejımniń barlyq sharttaryn saqtaı otyryp jetkizilýin baqyladyq jáne oǵan kóz jetkizdik. Biz 8 qorapta qaptalǵan vaksına aldyq. Barlyq qoraptar zaýyttan vaksına qoımasyna deıingi barlyq jol boıynda temperatýralyq datchıktermen jabdyqtaldy», dedi Ortalyq qalalyq klınıkalyq aýrýhana dırektorynyń ınfeksııalyq baqylaý epıdemıologııalyq máseleleri jónindegi orynbasary Elvıra Ibragımova.

Onyń aıtýynsha, vaksınalaý birinshi kezeńde medısınalyq mekemelerde, sodan keıin mektepter men JOO-da ótedi.

«Barlyǵy 46 800 doza aldyq. Munda birinshi jáne ekinshi komponent bar. Sondyqtan biz olardy ekige bólýimiz kerek - birinshi komponenttiń 23 400 dozasy jáne ekinshisiniń 23 400 dozasy. Vaksınalaý 21-28 kún aralyǵynda júrgiziledi», dedi densaýlyq saqtaý basqarmasynyń ókili.

Vaksınalaý tobyna júkti, bala emizetin áıelder men 12 jastan 18 jasqa deıingi jasóspirimder jatady.

«Júktiliktiń 16-dan 37 aptasyna deıin vaksına alýǵa bolady. Al bala emizetin áıelder bala týǵan sátten bastap 42 kúnnen keıin vaksına saldyra alady», dep túsindirdi dáriger.

Qoımadaǵy vaksına 60-tan 90 gradýsqa deıingi temperatýralyq rejımde saqtalady.

«Emhanalar vaksına alǵan kezde temperatýra rejımin ózgertedi. Iаǵnı, vaksınany saqtaý Selsıı boıynsha + 2, + 8 gradýs temperatýrada júzege asyrylady. Bul nusqaýlyqta jazylǵan, bir aı ishinde atalǵan vaksınany osy temperatýralyq rejımde saqtaýǵa bolady», dedi Elvıra Ibragımova.

1

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar