Qazaqstan Prezıdentiniń Ystanbul qalasyna jumys sapary Túrkitildes memleketterdiń yntymaqtastyq keńesiniń Bas hatshysy Baǵdat Ámireevpen kezdesýden bastaldy.
Memleket basshysyna Túrki keńesiniń aldaǵy sammıtine daıyndyq barysy, onyń ishinde kún tártibindegi negizgi máseleler jáne joǵary deńgeıdegi kezdesýdiń qorytyndysy boıynsha qabyldanatyn sheshimder jóninde málimet berildi. Sondaı-aq Baǵdat Ámireev Qasym-Jomart Toqaevqa Uıymnyń qyzmeti men Túrkitildes memleketterdiń yntymaqtastyq keńesine múshe elderdiń Syrtqy ister mınıstrleriniń búgin ótken keńesiniń qorytyndysy týraly aıtty.
Prezıdent sammıtke daıyndyq jumystarynyń barysy kóńilden shyǵatynyn atap ótip, Túrki keńesin odan ári damytý jóninde mańyzdy usynystar berdi.
