Aımaqtar • 12 Qarasha, 2021

Mańǵystaýda zaýyt jumysshylary ereýilge shyqty

235 ret

kórsetildi

1 mın

oqý úshin

Mańǵystaýda sement zaýytynyń 200-ge jýyq jumysshysy basshylyqtan jalaqy kóterýdi talap etip ereýilge shyqty. Olar bul máseleni aqpan aıynan bastap kóterip keledi, dep habarlaıdy Egemen.kz.

Gaýhar QAPASh

Mańǵystaýda zaýyt jumysshylary ereýilge shyqty

Bul týraly KTK telearnasy málimdedi.

Jumysshylardyń aıtýynsha, jalaqylary qazir 200 myń teńgege de jetpeıdi. Al eger jumystan tys qosymsha ýaqytta jumysqa shyqpasa, odan da az. Azyq-túlik qymbattap, tipti ózderi óndirgen qurylys materıalynyń quny ósse de, eńbekaqy ózgerissiz qalǵan. Halyq tólemderin 48 myńǵa kóbeıtýdi talap etti. Al basshylyq jumysshylardyń talabymen kelisken.

Kompanııa kelesi jyldyń 1 qańtarynan bastap eń tómengi jalaqyny 193 myń teńgege deıin kóterýge daıyn ekenin aıtty. Biraq zaýyt jalaqyny odan ári kótere almaıtynyn aıtqan. Bul óndiristiń toqtap qalýyna ákeledi, óıtkeni kompanııa da óz óniminiń baǵasyn sebepsiz kótere almaıdy. Al shıkizat qymbattap barady.

«Jalpy, qyzmetkerlerimizge jalaqy kóterý boıynsha eki nusqa usyndyq. Sonyń bireýine toqtalamyz. 2022 jyldyń bıýdjetine qosymsha 150 mln teńge qarastyrdyq. Bul soma eńbekaqyny kóterýge baǵyttalady. Jańa jyldan bastap jumysshylarymyz eń az degende 193 myń teńge jalaqy alady dep josparlap otyrmyz», deıdi «Kaspıı sement» JShS bas dırektory Ivan Pak.