Álem • 12 Qarasha, 2021

Lýkashenkonyń bizdi qorqytýyna jol bermeımiz – EO

260 ret

kórsetildi

1 mın

oqý úshin

Eýropalyq Odaq Belarýs Prezıdenti Aleksandr Lýkashenkonyń shekaralardy jabý kezinde gaz tranzıtin toqtatý týraly málimdemesine jaýap berdi, dep habarlaıdy Egemen.kz.

Gaýhar QAPASh

Lýkashenkonyń bizdi qorqytýyna jol bermeımiz – EO

Bul týraly Reuters jazady.

Brıýsselde ótken baspasóz máslıhatynda ekonomıka jónindegi eýrokomıssar Paolo Djentılonı EO Lýkashenkony Belarýssııa aýmaǵy arqyly Eýropaǵa gaz jetkizýdi toqtatý týraly málimdemesimen qorqytýǵa jol bermeıtinin aıtty.

«Gaz jetkizý máselelerinde jetkizýshi eldermen - Afrıka, Norvegııa, Reseı memleketterimen qarym-qatynasymyzdy barynsha paıdalanýymyz kerek, Lýkashenkonyń bizdi qorqytýyna jol bermeımiz», dedi Djentılonı.

Eýrokomıssar EO elderine gaz jetkizý qaýipsizdigi máseleleri 2022 jyly bekitiletin «EO Strategııalyq kompasy» dep atalatyn Eýroodaqtyń qorǵanys tujyrymdamasyna engiziletinin rastady.

«Iаmal - Eýropa» gaz qubyry tórt eldiń aýmaǵy arqyly ótedi: Reseı, Belarýs, Polsha jáne Germanııa. Jalpy uzyndyǵy 2 myń shaqyrymnan asady. Gaz qubyrynyń belarýssııalyq bólimi bes kompressorlyq stansııadan turady, onyń uzyndyǵy - 575 shaqyrym.

Buǵan deıin Belarýs Prezıdenti Aleksandr Lýkashenko batys elderine jańa sanksııalar men shekaralardyń jabylýyna qaýip tóndirmes buryn oılanýǵa keńes berip, jaýap retinde Eýropaǵa gaz tranzıtin toqtatamyn dep qorqytty.