Qazaqstan qarjygerleriniń IX kongresinde baıandama jasaǵan Ulttyq bank tóraǵasy Erbolat Dosaev uzaq merzimdi turǵyn úı kredıtteýdi yntalandyrý úshin bastalǵan «Baspana hıt» naryqtyq ıpotekalyq baǵdarlamasy bıyl aıaqtalatynyn aıtty.
Búgingi kúni osy baǵdarlama sheńberinde shamamen 600 mlrd teńge bólinip, bul qarajat tolyq ıgerilgen.
«Ulttyq Bank 2022 jyly «Qarapaıym zattar ekonomıkasy» baǵdarlamasyn jáne 7-20-25 jeńildigi bar ıpoteka baǵdarlamasyn iske asyrýdy jalǵastyrady. Qazirgi kezde Qarapaıym zattar ekonomıkasy sheńberinde 940 mlrd teńgege qaryz berildi, «7-20-25» baǵdarlamasy boıynsha 1 trln teńge somasynan 400 mlrd teńgeden astam soma bólindi», deıdi E. Dosaev.
Belgili bolǵandaı, Ulttyq banktiń Kásipkerlik sýbektilerin jeńildikpen kredıtteý jáne Jumyspen qamtýdyń jol kartasyn baǵdarlamalary bıyl aıaqtalady.
