Jobanyń maqsaty – taldamalyq zertteýler men taldaý mátinderdi daıyndaý daǵdylaryn jetildirý bolyp tabylady. Birinshi Taldaý mektebiniń taqyryby «Taldap jazý daǵdylaryn qalyptastyrý» dep belgilenip otyr.
Mektepke memlekettik qyzmetkerler, taldamalyq qurylymdardyń, ulttyq kompanııalardyń qyzmetkerleri, jarııa sarapshylar, jýrnalıster, magıstranttar, doktoranttar jáne t. b. qatysa alady.
Senat janyndaǵy Jas sarapshylar klýby jobaǵa bastamashy bolyp otyr. Klýbqa qatysýshylar jaqynda ótken otyrystardyń birinde memlekettik basqarýdaǵy, gýmanıtarlyq zertteýlerdegi, BAQ-taǵy taldaý tásilderin kúsheıtý qajettigi týraly pikir aıtyp, jas mamandardyń taldaý daǵdylaryn qalyptastyrýǵa baǵyttalǵan qoǵamdyq joba retinde Taldaý mektebin qurýdy usynǵan bolatyn.
QR Parlamenti Senatynyń Tóraǵasy Máýlen Áshimbaev bul bastamaǵa qoldaý bildirdi. Qazaqstandyq birqatar oqý oryndary jobaǵa seriktes bolyp otyr.
Oqý prosesi sapaly taldaýdyń ólshemsharttary men standarttary teorııasyn tyńdaýshylardyń meńgerýi tóńireginde ázirlenedi. Ol úshin dárister, trenıngter men sheberlik sabaqtary usynylady. Sodan keıin Mektep tyńdaýshylary tájirıbe barysynda taldamalyq mátinderdi jazýdyń daǵdylaryn is júzinde pysyqtaıtyn bolady.
Mekteptiń dáriskerleri men tálimgerleri retinde Qazaqstannan jáne shetelden kórnekti taldaýshylardy tartý josparlanyp otyr.
Taldaý mektebi kúndizgi oqý túrinde 2022 jyldyń 15 qańtarynda bastalady. О́tetin orny – Nur-Sultan qalasy. Sabaqtar senbi kúni, kúnniń birinshi jartysynda ótedi. Kýrstyń uzaqtyǵy – segiz apta.
Úmitkerlerge qoıylatyn talaptar:
- Áleýmettik jáne gýmanıtarlyq ǵylymdar salasy boıynsha bilim berý (saıasattaný, halyqaralyq qatynastar, áleýmettaný, jýrnalıstıka, fılosofııa, dintaný jáne t. b.);
- Irikteý kezinde taldamalyq qurylymdarda, memlekettik basqarý júıesinde, ulttyq kompanııalarda, ǵylymı ınstıtýttarda jáne BAQ-ta jumys tájirıbesi bar úmitkerlerge basymdyq beriletin bolady.
- Qatysýshylardyń jasyna shekteý joq, alaıda 35 jasqa deıingi úmitkerler artyqshylyqqa ıe bolady;
- Mektepke 2022 jyldyń 15 qańtarynan 5 naýryzyna deıin qatysý múmkindigi bolady.
Baıqaý eki kezeńde ótedi:
I kezeń. Baǵdarlamaǵa qatysý úshin tómende kórsetilgen elektrondyq poshtaǵa mynadaı qujattardy jiberý qajet:
- Túıindeme (bir betten kóp emes);
- Nıettený haty (Taldaý mektebine qatysýǵa degen ynta-yqylasyńyzdy túsindiretin 500 sóz);
- Buryn jarııalanǵan taldamalyq materıaldarǵa, suhbattarǵa, sóılegen sózderge siltemeler (bar bolsa).
Túıindeme, nıettený haty jáne siltemelerdi tulindinova@parlam.kz elektrondy poshtasyna jiberý kerek.
II kezeń. Áńgimelesý onlaın túrinde.
О́tinim berýdiń sońǵy merzimi: 2021 jylǵy 10 jeltoqsan 23:59 (GMT +6)
