«Búgingi otyrys ádettegideı jemisti ótip jatyr. Birqatar usynystar aıtyldy, olardy muqııat zerttep, tıisti bolsa, qajetti sheshim qabyldaımyz. Elimiz bir aıdan keıin Táýelsizdiktiń 30 jyldyǵyn atap ótedi. Bul - búkil halyq úshin máni bar mereıli beles. Sonymen qatar memleketimizdiń damý jolyndaǵy mańyzdy meje. Osyǵan oraı qoǵamdyq mańyzy bar naqty jumys atqarylyp jatyr. Men buǵan erekshe kóńil bólip otyrmyn», dedi Toqaev.
Prezıdent jalpy 30 jyl boıy kezeń-kezeńmen júzege asyrylǵan reformalar ómirimizdi túbegeıli ózgertkenin aıtty.
«Bul baǵdarymyzdyń durys ekenin kórsetti. Bul tarıhı beleske myqty memleket, birtutas ult retinde jetip otyrmyz. Biraq jetistikterge toqmeıilsip toqtap qalmaımyz. Alǵa umtyla beremiz. Saıası jańǵyrý, ekonomıka qurylymyn ózgertý, áleýmettik salany damytý jumystary tyń qarqynmen damyp jatyr. Buǵan Ulttyq qoǵamdyq senim keńesi úles qosyp jatyr. Keńes qurylǵannan bastap tıimdi pikirtalas alańyna aınaldy», dedi Memleket basshysy.
