«Altyn» alqa men «Kúmis» alqa berý erejesin qaıta qaraý kerek. Sebebi bul nagradany berý úshin jumysqa qabyldaıtyndaı tekseris ótkiziledi eken. Sottalmaǵany týraly anyqtama talap etiledi», dedi ol Ulttyq qoǵamdyq senim keńesiniń 6-otyrysynda.
Sonymen qatar keńes múshesi pandemııa kezinde memlekettik organdar qashyqtan qyzmet kórsetýge kóshkenimen áli de qaǵazbastylyq bar ekendigin aıtady.
«Halyq jumysqa turarda tapsyratyn narkologııalyq jáne psıhologııalyq dıspanserde esepte turǵan joq degen anyqtamany egovtan tegin ala alady. Biraq, ony qabyldamaıdy. Olar dıspanserdiń móri basylǵan anyqtamany talap etedi. Al ol 5 myń teńge turady. Sondaı-aq Eńbek mınıstrliginde sıfrlyq ıntegrasııa álsiz qurylǵan. Máselen, kópbalaly otbasylarǵa tegin beriletin jolaqy bıletterin Jumyspen qamtý bólimi beredi. Olar analardan kópbalaly degen anyqtamany talap etedi. Jumyspen qamtý bólimi Eńbek mınıstrligine qaraıdy. Olar bazadan ol ananyń mártebesin kórýi kerek, qujat suratpaýy tıis. О́kinishke oraı, bir mınıstrlikke qaraıtyn mekemeler ózarasynda anyqtama jınatyp, sabyltyp qoıǵan. Iаǵnı, taǵy da qaǵazbastylyq oryn alyp otyr», dedi Ýaıs Ersaıynuly.
