Jıynǵa qala ákiminiń orynbasary A.Sáttibaev, óńirlik keńestiń músheleri, «QazTrade» saýda saıasatyn damytý ortalyǵy» Shymkent jáne Túrkistan óńirlik ókilderi, «Atameken» kásipkerler palatasy fılıal dırektorynyń orynbasary qatysty. Keńestiń negizgi maqsaty qalanyń eksportyn damytý jáne ondaǵy memlekettik saıasatty iske asyrý.
Májiliste eksportty damytý jáne ilgeriletý jaıy talqylanyp, «ST-KZ» qazaqstandyq standart sertıfıkatyn alý máseleleri qaraldy. Shıkizattyq emes eksportty damytýdyń birden bir joly óńdeý ónerkásibin memlekettik qoldaý ekeni aıtyldy. О́ńdeýshi ónerkásipke baǵyttalǵan «Bıznestiń jol kartasy - 2025», «Qarapaıym zattar ekonomıkasy», «QR agroónerkásiptik keshenin damytýyń 2017-2021 jyldarǵa arnalǵan» memlekettik baǵdarlamalardyń júzege asyrylý barysy talqylandy.
