Derekterge sensek, kúdikti Gılber Dragon jaǵdaıynyń nasharlaǵanyn sezgen kezde qamaýda bolǵan. Ol tynys alý joldary qıyndyqtarynyń belgilerimen aýrýhanaǵa jetkizilgen. Arada az ýaqyt ótkende Dragon koronavırýs dertinen qaıtys boldy.
Jergilikti polısııa ókili Per Rene Fransýa ustalǵan adamnyń qaıtys bolǵanyn rastady. Tártip saqshylary kúdiktiden birneshe tapansha, granatalar, jartylaı avtomatty AR-15 myltyǵy men oq-dáriler, sondaı-aq qylysh tapqan edi.
Buǵan deıin Gaıtı Prezıdentiniń ólimine qatysy bar kúdiktilerdiń biri, kásipker Samır Handal Túrkııada ustalǵan.
Gaıtı Prezıdenti Jovenel Moıza 7 shildege qaraǵan túni onyń rezıdensııasyna shabýyl jasalǵan kezde aýyr jaraqat alyp, saldarynan kóz jumǵan. Onyń áıeli de jaraqat alyp, Amerıkanyń Maıamı qalasyndaǵy aýrýhanada emdeldi.
