«Bıyl ekonomıkamyzdyń qalpyna keltirý ósimi júrip jatyr. Toǵyz aıda JIО́ ósimi 3,4%-dy, al naqty sektordaǵy ósim 3,5%-dy qurady. Biraq biz pandemııaǵa baılanysty ótken jyldyń tómengi bazasy aıasynda oń dınamıka qalyptasqanyn túsinemiz. 2022 jyly ekonomıkanyń 3,9%-ǵa ósýi boljanyp otyr. Alaıda, mundaı ósimdi qamtamasyz etý úshin tıisti bıýdjettik ınvestısııalar qajet. Kólik jáne kommýnıkasııa, aýyl sharýashylyǵy sııaqty jekelegen toptar boıynsha aǵymdaǵy jylmen salystyrǵanda shyǵyndardyń qysqarýy baıqalady. 2022 jyly bizdiń ekonomıkamyzdyń boljamdy ósýine shıkizattyq emes naqty sektordyń úlesi qandaı? Úkimet el ekonomıkasynyń turaqty damýy úshin jaǵdaıdy qalaı jáne qandaı sektorlar esebinen qamtamasyz etýdi josparlap otyr?», degen saýal qoıdy Dáýren Ádilbekov Senattyń jalpy otyrysynda.
О́z kezeginde QR Premer-Mınıstri Asqar Mamın oń dınamıka ótken jyly berilgenin málimdedi.
«О́tken jyly pandemııaǵa qaramastan, ekonomıkadaǵy daǵdarystyq qubylystarǵa qaramastan, naqty sektordyń negizgi salalary boıynsha joǵary ósý qarqyny boldy. Bul dınamıka bıyl da saqtalyp otyr. Biz naqty sektor ulttyq ekonomıka turaqtylyǵynyń, ulttyq ekonomıkanyń básekege qabilettiliginiń faktoryna aınaldy dep aıtamyz. Osy jyly óńdelgen taýarlar eksporty 25,5%-ǵa ósti. Iаǵnı, bul bizdiń taýarlarymyzdyń syrtqy naryqtarda suranysqa ıe ekendigin bildiredi. Jalpy, bıylǵy jyly eksport 20%-ǵa ósti», dep atap ótti Premer-mınıstr.
