Qazaqstan • 19 Qarasha, 2021

«Astana klýb 2021»: KSRO-nyń eks-prezıdenti Mıhaıl Gorbachıov úndeý jasady

327 ret kórsetildi

17 qarashada «Astana klýb» aıasynda Iаdrolyq qarýsyz álem jáne jahandyq qaýipsizdik úshin Kóshbasshylardyń Jahandyq Alıansynyń otyrysy ótti, dep jazady Egemen.kz.

Otyrys barysynda KSRO-nyń eks-prezıdenti, Beıbitshilik salasyndaǵy Nobel syılyǵynyń laýreaty Mıhaıl Gorbachevtyń úndeýi oqyldy.

«Eń aldymen, Qazaqstannyń Tuńǵysh Prezıdenti Nursultan Nazarbaevtyń Iаdrolyq qarýsyz álem jáne jahandyq qaýipsizdik úshin Kóshbasshylardyń Jahandyq Alıansyn qurý bastamasyn atap ótkim keledi. Onyń qatysýshylary san alýan aımaqtan bolǵany mańyzdy. Buǵan qosa, olar saıasattaǵy ár túrli urpaq ókilderi. Olarǵa qoldaý bildirip, sáttilik tileımin», delingen úndeýde.

Mıhaıl Gorbachıov qaýipsizdik tujyrymdamasyn qaıta qaraýǵa qatysty óz oıyn jetkizdi. Aıtýynsha, qazirgi ýaqytta adam qaýipsizdigi birinshi orynda bolýǵa tıis. 

«Bizdiń qaýipsizdik jaıly túsinigimizdi túbegeıli ózgertý qajet. Ol áli kúnge deıin áskerı aspektige negizdelip otyr. Qyrǵı-qabaq soǵys aıaqtalsa da, ókinishke qaraı, bul baǵytta eshqandaı ózgeris bolmady. Qaýipsizdik degenimiz – halyqty azyq-túlik, sýmen qamtamasyz etip, qorshaǵan orta men adam densaýlyǵyn qorǵaý. Biz osyǵan kúsh salýymyz kerek. Memleket kóshbasshylary, barlyq deńgeıdegi jetekshiler osy úshin jaýapkershilik alýǵa tıis», dep jazylǵan Mıhaıl Gorbachıovtyń málimdemesinde.

Ol ıadrolyq qarýdyń qaýpine erekshe toqtaldy.

«Iаdrolyq qarý adamzatqa qaýip tóndiredi. Ol qabyrǵada ilinip turǵan qarý sııaqty, kúnderdiń bir kúninde tehnıkalyq aqaý nemese adam men kompıýter qateligi saldarynan kezdeısoq oq atylýy múmkin. Avıasııa, ónerkásip, túrli basqarý júıelerinde elektronıka men kompıýter aqaýyna baılanysty apat bolatynyn bilemiz. Iаdrolyq qarý jalǵan dabylǵa jaýap retinde de qoldanylýy múmkin. Ol terrorısterdiń qolyna tússe ne bolady», degen alańdaýshylyq bildirdi Gorbachev.

Sondaı-aq KSRO-nyń eks-prezıdenti ıadrolyq qarý beıbitshilik pen qaýipsizdik kepili deıtinderge jaýap berdi.

«Osyǵan senetinderge qyrǵı-qabaq soǵys kezinde osy qarý kem degen bir ret daǵdarysqa sebep bolǵanyn aıtqym keledi. Onyń saldarynan ıadrolyq derjavalar soǵystyń az-aq aldynda qaldy. Men 1962 jyldyń qazan aıynda bolǵan Karıb daǵdarysyn aıtyp otyrmyn. Sońǵy ýaqytta jarııalanǵan qujattar álem sol kezde qaýipti shekke taıap qalǵanyn kórsetedi».

Mıhaıl Gorbachıov óz sózin bylaı dep túıindedi:

«Álemdik saıasat, halyqaralyq qatynastar, saıası kózqarastardyń demılıtarızasııasy mańyzdy. Álem ıadrolyq qarýdan qutylýy kerek. Bul maqsatqa qol jetkizýge qarapaıym halyq, ǵalymdar, mádenıet qaıratkerleri, saıasatkerler men kóshbasshylar úles qosa alady».

Astana Klýb oflaın jáne onlaın ótti. Keıbir otyrystar «Chatham house» erejesine saı, ıaǵnı jabyq formatta boldy.

Sońǵy jańalyqtar

Muhtar men Qaıym

Qazaqstan • Keshe

Elde qylmys azaıǵan

Qoǵam • Keshe

Aqań jáne qazaq radıocy

Ahmet Baıtursynuly • Keshe

Qaıratkerdiń batyl qadamy

Rýhanııat • Keshe

Rýhty jyrdyń ıesi

Ádebıet • Keshe

Astanadaǵy asa iri jarys

Tennıs • Keshe

Uqsas jańalyqtar