Aqparat jáne qoǵamdyq damý vıse-mınıstri Serik Egizbaev alǵy sóz aıtty.
«Túrki keńesi Túrki memleketteri uıymy bolyp qaıta qurylǵan Ystambuldaǵy Túrki memleketteri basshylarynyń jaqynda ótken kezdesýi dıasporalar máseleleri boıynsha yntymaqtastyqty odan ári damytýǵa jańa serpin beredi», dep atap ótti vıse-mınıstr.
Kún tártibinde túrkitildes dıasporalardyń qazirgi jaǵdaıynyń ózekti máseleleri, Túrki memleketteri uıymy músheleri arasyndaǵy yntymaqtastyqty úılestirý jáne nyǵaıtý máseleleri talqylandy. Sonymen qatar, Túrki elderi arasyndaǵy yntymaqtastyqty nyǵaıtýǵa arnalǵan birlesken is-sharalardy iske asyrý máseleleri qaraldy.
Is-sharaǵa Túrki memleketteri Uıymy Bas hatshysynyń orynbasary Kysmet Gozalov, sondaı-aq Túrki memleketteri uıymyna qatysýshy elderdiń ýákiletti ókilderi Túrkııa Respýblıkasy Úkimeti janyndaǵy Sheteldegi túrikter isteri jáne týys qoǵamdastyqtar basqarmasynyń (YTB) prezıdenti Abdýllah Eren, Ázerbaıjan Respýblıkasy dıaspora isteri jónindegi memlekettik komıtetiniń tóraǵasy Fýad Raýf ogly Mýradov, О́zbekstan Respýblıkasy Mınıstrler Kabıneti janyndaǵy shet eldermen ultaralyq qatynastar jáne dostyq baılanystar jónindegi komıtettiń tóraǵasy Rýstambek Kýrbanov, Qyrǵyz Respýblıkasy Syrtqy ister Mınıstrligi janyndaǵy syrtqy kóshi-qon departamentiniń dırektory Tashtanbek Kaımazarov qatysty.
Túrki memleketteriniń ókilderi Qazaqstanda ótken Túrki memleketteriniń dıasporalar isteri jónindegi uıymynyń otyrysyna rızashylyqtaryn bildirip, joǵary baǵa berdi.
