Aımaqtar • 21 Qarasha, 2021

Qaraǵandyda maıtalman sportshylar marapattaldy

113 ret kórsetildi

Qaraǵandy oblysynyń ákimi Jeńis Qasymbek  jyl qorytyndysy boıynsha úzdik dep tanylǵan bir top sportshy men jattyqtyrýshyny qabyldap, olarǵa Alǵys hattar men aqshalaı sertıfıkattar tabys etti, dep jazady Egemen.kz.

Tuńǵysh Prezıdent kúni merekesi jáne Táýelsizdiktiń 30 jyldyǵy mereıtoıy qarsańynda uıymdastyrylǵan bul is-sharaǵa 20 boksshy men balýan jáne 10 bapker qatysty. Sańlaq sportshylar arasynda Azııa chempıonatynyń júldegerleri Elmıra Syzdyqova, Erulan Ysqaqov, Andreı Samohın syndy balýandar, jastar arasyndaǵy álem chempıony Sabyrjan Aqhalyqov, Azııa chempıony Mılana Safronova, álem chempıonatynyń júldegerleri Jasmın Qızatova, Rústem Shaýmenov sııaqty boksshylar jáne basqa da sheber sportshylar boldy. Sondaı-aq, ákimmen bolǵan kezdesýge oblystyq dene shynyqtyrý jáne sport basqarmasynyń basshysy Temirhan Abylaev, Á.Moldaǵulova atyndaǵy olımpıadalyq rezervtiń oblystyq mamandandyrylǵan mektep-ınternat-kolledjiniń dırektory Erden Halılın jáne sport mektepteri men federasııalardyń basshylary da qatysty.

Oblys ákimi Qaraǵandy oblysynyń el sportynyń dańqyn halyqaralyq arenalarda pash etip júrgen sańlaq atletterdi daıarlaý jaǵynan mektebi myqty kóshbasy óńir sanalatynyn atap ótti.

– Bizdiń oblystan shyqqan sportshylardyń esimderi Qazaqstannan tys jerlerde de tanymal. Táýelsizdik jyldarynda jeti birdeı sportshymyz álemdik jarystardyń jeńimpazdary – olımpıada chempıondary men júldegerleri atandy. Eń birinshi kezekte, ýaqytpen sanaspaı, shákirtterin san qyrly sheber etip daıarlap shyǵarǵan bapkerlerge eren eńbekteri úshin alǵys aıtqym keledi, – dedi J.Qasymbek.

Oblys ákiminiń marapatyn alǵashqylardyń biri bolyp bokstan Ulttyq quramanyń kapıtany, álem chempıonatynyń úsh márte qola júldegeri Abylaıhan Júsipov aldy. Talantty boksshy aldaǵy dúbirli dodalarda Qaraǵandy oblysynyń namysyn qoldan bermeý jolynda aıanyp qalmaıtyndyqtaryn málimdedi.K

Kezdesýge qatysqan oblys ákiminiń birinshi orynbasary, oblystyq grek-rım, erkin jáne áıelder kúresi men boks federasııasynyń prezıdenti Asylbek Dúısebaev Táýelsizdik jyldary óńir sportshylarynyń únemi júldeli oryndarǵa ıe bolyp júrgenin maqtanyshpen atap ótti.

– Búginde boks nemese kúresten ótken birde-bir iri halyqaralyq jarysty Qaraǵandy sportshylarynsyz kóz aldymyzǵa elestete almaımyz. Bizdiń mindetimiz – bul deńgeıdi saqtaý ǵana emes, ony ári qaraı arttyryp, damyta berý. Oblysymyzda kúres pen boksqa qashanda kóńil aıryqsha bólingen, bólinip keledi jáne aldaǵy ýaqytta da bóline beretin bolady, – dedi A.Dúısebaev.

Qaraǵandy oblysynda sporttyń boks jáne kúres túrleri júıeli túrde damyp keledi dep senimmen aıtýǵa bolady. Qazirgi tańda óńirde úsh myńnan astam sportshy bokspen aınalysady. Onyń ishinde 21 bylǵary qolǵap sheberi  Ulttyq qurama komandanyń sapynda óner kórsetip júr. Álııa Moldaǵulova atyndaǵy olımpıadalyq rezervtiń oblystyq mamandandyrylǵan mektep-ınternat-kolledjinde jáne Joǵary sport sheberligi mektebinde daıyndalatyn chempıondardyń sheberligin 88 jattyqtyrýshy-oqytýshy ushtaıdy.

Al oblysta kúres túrlerimen 82 jattyqtyrýshynyń qaramaǵynda 2 600 atlet turaqty aınalysady. Bulardyń arasyndaǵy 48 balýan Ulttyq qurama komandaǵa múshe bolyp kirgen.

Kezdesýdiń sońyna taman Jeńis Qasymbek pen sportshylar arasynda beıresmı turǵydaǵy emin-erkin áńgime órbidi. Jeńimpazdar men júldegerler oblys basshysyna ózderin qyzyqtyrǵan suraqtardy qoıdy, aldaǵy josparlarymen bólisti.

 

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar