29 250 doza Pfizer jetkizildi

Pandemııa bastalǵaly beri Batys Qazaqstan óńirinde 39 503 adam koronavırýs ınfeksııasyn juqtyrǵan eken. Indetti juq­tyr­ǵan­dardyń 93,3-%-y, ıaǵnı 36 856 adam jazylyp shyq­qan. Sonyń ishinde 14 931 adam ınfeksııalyq stasıonarlarda em alyp shyqsa, 21 925 adam ambýlatorııalyq deń­geı­de emdelipti. Sońǵy esep bo­ıynsha COVID-19-dan barlyǵy 832 adam kóz jumǵan. Olardyń 663-i bıyl qaıtys bolǵan.

Joǵarydaǵy derekterdi ja­rııa­laǵan oblystyq densaýlyq saq­taý basqarmasy basshysynyń orynbasary G.Ábdirahmanova jedel járdem stansasyna bir aptada orta eseppen 6 myńǵa jýyq qońyraý túsetinin, sońǵy táýlikte 1 171 shaqyrtý túsip, onyń 101-i koro­navırýsqa qatysty bolǵanyn aıtty. Sońǵy bir kúnde 15 adam sta­sıonarǵa jatqyzylǵan.

Árıne, keıingi kezde óńirde in­det­tiń beti qaıtqandaı. Oblys «ja­syl aımaqqa» aýysyp, karantın talaptary jeńildedi. Búginde oblysta jalpy sany 821 tósektik oryn 16 stasıonarda 142 adam ǵana em alyp jatyr. Bul kórsetkishter óńirde epıdemııalyq ahýal­dyń saýyǵa bastaǵanyn kórsetedi. Árıne, bul aldyn ala profılaktıka – ekpe jumysynyń uıym­shyl­dyqpen júrýine de baılanys­ty. 19 qarasha kúngi málimetke qara­ǵanda, oblysta 246 010 adam koro­navırýsqa qarsy vaksınanyń I kom­ponentin alǵan eken. Sonyń ishinde Spýtnık V vaksınasyn – 176 537 adam, QazVac vaksınasyn – 16 349 adam, Hayat-Vax vaksınasyn – 24 984 adam, Corona-Vac vaksınasyn – 7 719 adam, Vero Cell vaksınasyn 20 421 adam alǵan. Barlyǵy 226 260 adam vaksınanyń qos komponentimen egilgen.

«Pfizer kompanııasy óndirip shyǵar­ǵan «Komırnatı» vak­sı­nasynyń 29 250 dozasy obly­sy­myz­ǵa jetkizildi. Qazirgi ýaqytta MSAK uıymdaryna vaksınany bólip taratý júrgizilýde. En­di vak­­sınalaý bastalady», dedi Gúlnár Maqsotqyzy.

Batys Qazaqstan ob­lys­tyq sanı­tarııalyq-epıde­mıo­logııa­lyq­ ba­qylaý depar­ta­men­ti bas­shy­sy­nyń orynbasary Nurlybek Mustaevtyń aı­­­týynsha, oblys­ta sońǵy aptada ótken aptamen salys­tyrǵanda aýrýshańdyq 13%-ǵa (207-den 180-ge) tómendegen.

Degenmen, bilim nysandarynda koronavırýs taraý oqıǵasy kez­de­sedi. 1 qarashadan beri oqý­shylar arasynda – 69, pedagogter arasynda 11 adam vırýs juqtyrǵan. Sonymen qatar arnaýly orta oqý oryndarynyń 6 stýdenti, joǵary oqý oryn­da­ry­nyń 8 stýdenti aýyr­ǵan eken.

Qaýipti indet boıynsha kúr­­deli jaǵdaı qalyptasqan Reseı Federasııasymen aradaǵy mem­le­ket­tik shekara da muqııat baqylaýǵa alynǵan. Máselen, 1 qarashadan beri shekaradan COVID-19 anyq­ta­ma­synsyz ótken 545 jolaýshy, 592 júrgizýshi tekserilip, 4 adam­nyń aýyrǵany anyqtalǵan. Olar birden oqshaýlanyp, tıisti sharalar jasalǵan.

Koronavırýstyń jappaı tara­lý joldaryn kesý úshin mo­nı­­torıngtik toptar qyz­me­tin jal­ǵastyryp, sońǵy apta ishin­de 59 reıd júrgizgen eken. Tek­se­rilgen 611 nysannyń je­te­ýi karantındik sharalardy saq­ta­ma­ǵany anyqtalyp, shara qol­da­nylǵan. Sondaı-aq Ashyq qosymshasy 1 qarashadan beri oblysta sanıtarlyq-karan­tın­dik rejimdi buzǵan 51 oqı­ǵa­ny anyqtaǵan. Osylaısha «qy­zyl» mártebesi bar 44 adam, «sary» mártebeli 7 adam jazaǵa tar­tyl­ǵan. О́ńirde 10 maýsymnan beri osyndaı Ákimshilik quqyq bu­zý­shylyq týraly Kodekstiń 425-baby 1-bóligin buzǵan jeke tul­ǵa­larǵa 166 hattama toltyry­lyp, 7 234 160 teńge aıyppul salynǵan eken.

Batys Qazaqstan oblysy