Zań kómegin damytý jónindegi tyń tásilder

Aýqymdy is-sharaǵa quqyq qor­­ǵaý, sot júıeleri, atqarýshy jáne zań shyǵarýshy bılik tarmaq­ta­rynyń ókilderi, jetekshi halyq­aralyq jáne ulttyq sarapshylar, sondaı-aq Polsha, Reseı, Grýzııa jáne otandyq advokatýranyń ókilderi qatysty. Forýmda advo­kat­tyq qyzmetti sıfr­landyrý, advokattardyń táýelsizdigi, onlaın sot tóreligi kezindegi jumysy jáne jańa tásilder, sondaı-aq elimizde zańger kómegin alýdy damytý má­seleleri talqylandy.

Forýmda Respýblıkalyq advokattar alqasy tóraǵasynyń min­detin atqarýshy Ásel Toqae­va mundaı aýqymdy is-sharalar­dyń mańyzdylyǵyn sóz etti. Al Nur-Sultandaǵy EQYU Baǵdar­la­ma­lar ofısiniń basshysy Folker Frobart qazirgi tańda Qazaq­stan­nyń advokatýrasy qarqyndy damyp kele jatqanyn aıtty.

VI qazaqstandyq advokattar forýmyna qatysqan sheteldik sarap­shylar búginde advokatýranyń al­­­dynda turǵan negizgi syn-te­geý­­rin­derge toqtaldy. Jıynǵa Pol­­sha elinen onlaın qosylǵan Eýropalyq Advokattar qaýymdas­ty­­ǵynyń prezıdenti Marııa Slazak Eýropa elderindegi advokatýranyń ınstıtýsıonaldyq táýelsizdigin damytý perspektıvalary týraly aıta kelip: «Táýelsiz zań ma­mandyǵy joq elde táýelsiz sot júıesi, zańnyń ústemdigi, ádilet­ti­lik, demokratııa jáne bostandyq bolmaıdy», dedi.

M.Slazak qazirgi tańda eýro­pa­­lyq advokattar úshin kásibı qu­pııany buzý jáne «ulttyq qaýip­sizdik» termınin qoldanýǵa baılanysty qaýipter bar ekenin jetkizdi. Sondaı-aq ol: «Advokatýra popýlızmnen jáne advokattardyń quqyqtaryn shekteıtin tótenshe jaǵdaıdy durys paıdalanbaý­dan zardap shegip otyr. Osy má­se­lelerdi advokattar qyzmetine ult­ty já­ne halyqaralyq uıym­dar men sot­tardyń belsendi qa­tysýy, sıfr­ly táýelsizdikti qam­­tamasyz etý jáne halyqaralyq yn­ty­maq­tas­tyqty keńeıtý arqyly sheshýge bolady», dedi.

Jıynda Pavlodar oblystyq advokattar alqasynyń advokaty Gúlmıra Sultanbekova Qa­zaq­stan advokatýrasynyń ınstı­­tý­sıo­naldyq táýelsizdigin stra­­te­­gııa­lyq damytý jáne ny­ǵaı­tý­­ǵa qatysty baıandama jasasa, Shym­­kent qalalyq advokattar al­­qa­synyń advokaty Sapar Ámir­taev elimizde zań kómegin da­my­tý jáne onyń sapasyn arttyrý jó­nin­de­gi usynystaryn ortaǵa saldy. S.Ámir­taev advokatýranyń mem­le­ket­tik, ókildi, quqyq qorǵaý jáne sot organdaryndaǵy ókil­di­gin kú­sheı­tý qajettigine erekshe toqtaldy.

Forýmda osy saladaǵy basty máse­lelerdi sóz etken Almaty qa­­­la­lyq advokattar alqasynyń ad­voka­ty Danııar Qanafın elimiz­de «memlekettik» advokatýra qu­rý múmkindigi bar ekenin aıtty.

Sonymen qatar ol qylmys­tyq prosestegi advokattyń róli onyń qylmystyq sot tóreligindegi mártebesine sáıkes kelmeıtinin de ashyq málimdedi. Sarapshy osy máselelerdi sheshý úshin ad­vo­kattyq qoǵamdastyqtyń ózin ózi bas­qarý máselelerine orynsyz ara­lasýdy boldyrmaýdy, olardyń kásibı qyzmetine baılanysty qol­suǵylmaýshylyq kepildikterin kúsheıtýdi usyndy. «Advokatty jedel iz­des­tirý qyzmetin júzege asy­­ra­tyn organdarmen jasy­­ryn yn­ty­maqtastyqqa tartýǵa ty­ıym salý kerek. Sondaı-aq Qyl­mys­tyq is júrgizý kodeksinde advo­kat­­tardyń memlekettik qupııalarǵa baı­lanysty ister boıynsha qatysý tár­tibin rettegen jón», dedi.

Forým barysynda De Facto ad­vokattyq keńsesiniń basqarýshy seriktesi, Qazaqstan Respýblıkasy Joǵarǵy soty keńesiniń janyn­da­ǵy Biliktilik komıssııasynyń mú­shesi Sergeı Sızınsev advokatýra úshin jappaı sıfrlandyrýdyń artyqshylyqtary men qaýipte­ri­ne toqtaldy.

О́z kezeginde Brıýssel advokattar alqasynyń múshesi Aleks Tallon advokatýranyń aldynda turǵan syn-qaterlerge taldaý jasap, aldaǵy bes jylda zań kómeginiń sapasyn arttyrýdyń tıimdi sheshimderin usyndy. Zań kómegin sıfrlandyrý másele­le­rine basa nazar aýdarǵan ol: «Sıfrlandyrý zańdy platformalardy jáne jasandy ıntellekti paıdalanýdy kózdeıdi. Quqyqtyq platformalar degenimiz – onlaın rejiminde usynylatyn zańgerlik qyzmetter, zańgerlik fırmalar uıymdastyrǵan alańdar jáne úshinshi taraptyń platformalary. Advokattyq qyzmetke ja­sandy zerdeni engizý zań kásibiniń dástúrli sheńberinen tys zań qyz­metterin kórsetýge múmkindik be­redi», dedi.

Sondaı-aq forýmda COVID-19 pandemııasy kezinde advokatý­ranyń ınstıtýsıonaldyq turaq­tylyǵy týraly sóz sóılegen Re­seı Federaldyq advokattar pa­la­tasynyń prezıdenti Iýrıı Pı­lıpenko advokattardyń kásibı táýelsizdigin qamtamasyz etý bo­ıynsha óz eliniń tájirıbesimen bó­listi. Al Grýzııa advokattar qa­ýymdastyǵynyń eks-prezıdenti Zaza Hatıashvılı atalǵan eldegi zań qyzmetteriniń sapasyn qamtama­syz etý jáne zań kómegin kórsetý jónindegi jańa tásilderdi tanys­tyryp ótti. Al Batys Qazaqstan oblystyq advokattar alqasynyń múshesi Abzal Quspan sıfrly tehnologııanyń zań qyzmeti salasyna tıgizgen áseri jáne bolashaqta sózsiz bolatyn ózgerister týraly aıtty.

Is-shara sońynda qatysýshylar osyndaı forýmnyń mańyzdy eke­nine nazar aýdaryp, jıyn barysynda aıtylǵan usynys-pikirler advokat qyzmetin jetildirýge tyń serpin beretinine senim bildirdi.