Ýokesha qalasynyń basshysy Shon Reıllı jýrnalısterge «Mereke kúni qalada qorqynyshty ári jan túrshiktirerlik oqıǵa boldy» dedi. Sonymen birge qýanyshty bólisýge jınalǵan jurtshylyqtyń aqyr sońynda jaraqat pen qaıǵyǵa dýshar bolǵany ókinshti ekenin aıtty.
Ýokesha Polısııa basqarmasynyń basshysy Den Tomson kúdiktiniń qolǵa túskenin habarlady. «Qala ortasynda ótip jatqan sherýge basyp kirgen jol talǵamaıtyn kóliktiń júrgizýshisin anyqtadyq. 20-dan astam adamnyń jaraqattanǵany belgili bolyp otyr», dedi polısııa ókili jýrnalısterge.
Oqıǵanyń terrorıstik aktige qatysy bar-joǵy áli anyqtalmady. Degenmen áleýmettik jelide taraǵan beınejazbalarda kóliktiń ondaǵan adamdy ádeıi basqany anyq kórinedi. Odan keıin quqyq qorǵaý organdarynyń qyzmetkerleri oq atyp, kólik shekteýlerdiń birine soqtyǵysady.
Qalanyń bas prokýrory Djosh Kaýl Twitter-degi paraqshasynda «Ýokeshadaǵy oqıǵaǵa qatysty «sumdyq» degennen basqa sóz joq» dep jazady. Sonymen qatar kináliler tolyqtaı zań aldyna jaýap beretinine senimdi ekenin bildirdi.
