El aýmaǵynda aqyly avtomobıl joldaryn engizý týraly sońǵy ózgeristerdi atap ótti.
«2021 jylǵy 10 shildedegi Úkimettiń keńeıtilgen otyrysynda Memleket basshysy atap ótkendeı, «aqyly joldardy engizý – álemdik tájirıbege saı durys sheshim. Sebebi biz sııaqty jer kólemi úlken elde tek bıýdjet esebinen jol salý múmkin emes. Onyń ústine Qazaqstan júk tasymalynan paıda tabýy kerek. Osyǵan baılanysty «Qýatty óńirler – el damýynyń draıveri» ulttyq jobasyn iske asyrý aıasynda bıylǵy jyldyń sońyna deıin jalpy uzyndyǵy 5,8 myń shaqyrym bolatyn ýchaskelerde jol júrý úshin aqy alýdyń ashyq júıesin kezeń-kezeńimen engizý kózdelgen», dedi tóraǵa.
Sondaı-aq Tólegen Abdýlın aqyly avtomobıl jolyna irgeles aýdanda/eldimekende tirkelgen jeńil kólik úshin quny 1000 teńge bolatyn jyldyq abonement qarastyrylǵanyn aıtty. Onyń sózinshe, 365 kúntizbelik kúnge, aqyly ýchaskeniń barlyq marshrýt úshin, eki baǵytqa da qoldanylady.
«Birinshi sanattaǵy avtojoldardyń 7 ýchaskesinde aqyly júıeni engizý týraly buıryqtar ádilet organdarynda memlekettik tirkeýden ótip, osy jyldyń 23 qarashasynda zańdy kúshine endi. Sáıkesinshe osy kúnnen bastap «Nur-Sultan – Pavlodar», «Shymkent - О́zbekstan shek.(Tashkentke)», «Shymkent – Qyzylorda», «Shymkent – Taraz», «Taraz – Qaınar», «Qapshaǵaı – Taldyqorǵan» jáne «Shýchınsk – Kókshetaý» ýchaskelerinen aqy alyna bastady», dedi QR IIDM avtomobıl joldary komıtetiniń tóraǵasy Tólegen Abdýllın.
