Ekonomıka • 24 Qarasha, 2021

Bıylǵy 8 aıda Qazaqstan eksporty 16 paıyzǵa artty

154 ret kórsetildi

2021 jyldyń 8 aıynyń qorytyndysynda Qazaqstan eksporty 16 paıyzǵa artty. Bul týraly QR Parlamenti Senaty tóraǵasynyń orynbasary Nurlan Ábdirov aıtty, dep habarlaıdy Egemen.kz.

«Bizdiń kezdesýimizdiń taqyryby Ulttyq ekonomıka úshin mańyzdy bolyp tabylatyn ózekti salalardyń birin qozǵaıdy. Ishki saýdanyń belsendi ósýin qamtamasyz etýge, bıznesti el eksportynyń ósýine baǵdarlanǵan joǵary sapaly ónim shyǵarýǵa yntalandyrýǵa negizdelgen, durys jolǵa qoıylǵan saýda saıasaty kóptegen elderdiń tıimdi ekonomıkalyq damýynyń kepiline aınaldy. Memleket basshysy Qazaqstannyń saýda-logıstıkalyq áleýetin nyǵaıtý, otandyq ónimdi ótkizetin naryqtardy keńeıtý jáne naryqty otandyq ónimmen molyqtyrý úshin jaǵdaı jasaý qajettigin birneshe ret atap ótti. 2021 jylǵy 1 qyrkúıektegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynda Prezıdent ekonomıkany ártaraptandyrý, óndiriletin taýarlardyń nomenklatýrasyn jáne eksporttyń geografııasyn keńeıtý jóninde mindet qoıdy», dedi ol Senatta ótip jatqan Úkimet saǵatynda.

Nurlan Ábdirovtiń atap ótýinshe, Qazaqstan ekonomıkasynyń qurylymynda saýda negizgi sektorlardyń biri bolyp tabylady. Onyń JIО́-degi úlesi shamamen 15 paıyzdy quraıdy. Bul sala shamamen 1,5 mln adamdy jumyspen qamtamasyz etedi.

«Koronavırýstyq pandemııa jahandyq saýda baılanystaryn edáýir álsiretip, elimizdiń saýda júıesiniń damýyna áser etti. Syrtqy saýda aınalymy 2019 jylǵa qaraǵanda 12 paıyzǵa tómendep, 2020 jyly 86,5 mlrd AQSh dollaryn qurady. Bul rette eksport 18, ımport 2 paıyzǵa tómendedi. Sonymen birge, pandemııa saýda sektory úshin jańa múmkindikter ashty, elderdiń arasyndaǵy shekarany joıa otyryp, saýdanyń dástúrli formattaryn birtindep yǵystyratyn onlaın-saýdanyń qarqyndy damýyna túrtki boldy. Máselen, 2020 jyly Qazaqstanda Internette satyp alýdyń jalpy kólemi 960,8 mlrd teńgeni qurady. 2019 jylmen salystyrǵanda 2,2 ese ósimdi kórsetti. Bıyl teris úrdisterge qaramastan, Qazaqstan syrtqy saýdadaǵy oń dınamıkany saqtap qaldy. 2021 jyldyń 8 aıynyń qorytyndysy boıynsha eksport 16 paıyzǵa, ımport 2,2 paıyzǵa ósti. Qazaqstannyń ishki saýda kólemi de artty. Bólshek saýda 6, kóterme saýda 11 paıyzǵa artty», dedi Senat tóraǵasynyń orynbasary.

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar