QR Aqparat jáne qoǵamdyq damý mınıstrliginiń atynan vıse-mınıstr Serik Egizbaev Konferensııany uıymdastyrýshylar men qatysýshylarǵa quttyqtaý sóz sóıledi. Ol bizdiń qoǵamymyzdyń damýyndaǵy ıslamnyń erekshe rólin jáne Qazaqstan musylmandary dinı basqarmasynyń el musylmandary arasyndaǵy birlik pen yntymaqtastyqty saqtaýǵa qosqan úlesin atap ótti.
Qurmetti qonaqtar retinde О́zbekstan, Qyrǵyzstan, Mońǵolııa bas múftıleri, qoǵam qaıratkerleri, «Nur-Múbarak» Egıpet ıslam mádenı ýnıversıteti men L.N.Gýmılev atyndaǵy Eýrazııa ulttyq ýnıversıtetiniń professorlary men shyǵystanýshylary, sondaı-aq onlaın-formatta Túrkııa, Reseı jáne Tájikstannyń bas múftıleri qatysty.
Konferensııaǵa qatysýshylar El Táýelsizdiginiń 30 jyly boıy din salasyndaǵy salmaqty memlekettik saıasatty atap ótti. Olar Qazaqstannyń Tuńǵysh Prezıdenti-Elbasy Nursultan Nazarbaevtyń erekshe eńbegin atap ótip, Qazaqstan Prezıdenti Qasym-Jomart Toqaevtyń din salasyndaǵy jáne konfessııaaralyq kelisimdi nyǵaıtý jónindegi bastamalaryna qoldaý bildirdi.
