Úkimet • 25 Qarasha, 2021

Baýyrjan Baıbek elordada «Nur Otan» saılaýaldy baǵdarlamasynyń oryndalý barysymen tanysty

17 ret kórsetildi

«Nur Otan» partııasy Tóraǵasynyń birinshi orynbasary Baýyrjan Baıbek elordada «Nur Otan» partııasynyń saılaýaldy ýádeleriniń oryndalý barysymen tanysty, dep jazady Egemen.kz.

Onyń aıtýynsha, Elbasy, partııa Lıderi Nursultan Nazarbaevtyń tapsyrmasy boıynsha partııa ár oblysta, qalada jáne aýdanda 217 jol kartasynyń iske asyrylýyna júıeli baqylaý júrgizýde.

Memleket basshysy Qasym-Jomart Toqaev jarııa etken «О́zgerister joly: Ár azamatqa laıyqty ómir!» atty Saılaýaldy baǵdarlama aıasynda jyl basynan beri Nur-Sultan qalasynda 20 myńnan astam turaqty jumys orny ashylyp, 7 dárigerlik ambýlatorııa paıdalanýǵa berildi, 96 kóshe jóndeýden ótti jáne t.b. Bul jumystardyń basym bóligi qala shetinde júrgizildi.

«Fılıal tóraǵasy, qala ákimi Altaı Kólginovpen birge «О́ndiris» turǵyn alabyndaǵy №23 mekteptiń 600 oryndyq jańa korpýsyn araladym. 2019 jyly el Prezıdenti Qasym-Jomart Toqaev bul aýdanda halyq tyǵyz ornalasqanyndyqtan, atalǵan oqý ornyn keńeıtýdi tapsyrǵan edi. Jańa korpýstyń qurylysy partııanyń qalalyq saılaýaldy baǵdarlamasyna engizildi. Jalpy, partııa elordada 2025 jylǵa deıin 60 myń orynǵa arnalǵan keminde 50 jańa mektep salý mindetin qoıyp otyr. Bıyldyń ózinde 8 jańa mektep ashyldy, taǵy 7 nysannyń qurylysy aıaqtalýda», dep jazdy ol Facebook paraqshasynda.

Sondaı-aq, Baýyrjan Baıbek «О́ndiris» turǵyn alabynda dene shynyqtyrý-saýyqtyrý keshenine bardy. Jyl sońyna qaraı munda kúndelikti 500-den astam adam sambo, kıkboksıng, paýerlıftıng jáne basqa da sport túrlerimen aınalysa alady. Jalpy, partııanyń ýádelerine sáıkes osy jyldyń ózinde óńirlerde 127 myńnan astam seksııa ashylyp, 22 myńnan astam balalar úıirmesiniń jumysy qaıta jandandy.

Sodan keıin partııa Tóraǵaǵasynyń birinshi orynbasary astanadaǵy JEO-2-ni gazǵa kóshirý jumystarynyń barysymen tanysty.

«Elbasy «Nur Otan» Saıası keńesiniń otyrysynda aıtqandaı, ekologııa máseleleri elimiz ben bıleýshi partııa úshin negizgi basymdyqtardyń birine aınalýy tıis. Búginde nysan 95%-ke aıaqtaldy. Gazdandyrý nátıjesinde azot jáne kómirtegi totyqtarynyń, parnıktik gazdardyń shyǵaryndylary aıtarlyqtaı azaıyp, kómir kúliniń shyǵaryndylary tolyǵymen joıylady. Elbasynyń óńirlerdi gazdandyrý jónindegi «Saryarqa» jobasy aıasynda jyl basynan beri qalada 10 myńnan astam úıge gazben jabdyqtaý jelilerine qoljetimdilik qamtamasyz etildi», dedi ol.

Osy kúni Baýyrjan Baıbek qalalyq partııa aktıvimen birge elorda boıynsha saılaýaldy baǵdarlamanyń iske asyrylý barysyn talqylady.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar