Urpaqqa amanat

Elimizdiń Tuńǵysh Prezıdenti Qazaqstan álemdegi ozyq 30 eldiń qataryna qosylý úshin qajetti alǵy­sharttyń bar ekenine senim bildire kele, jeti  tuǵyr tóńire­gin­degi sarabdal oıyn órbitti. Atap aıtatyn bolsaq, birinshi, táýel­siz­dik – kez kelgen azamat úshin eń qasterli qundylyq. Jastar osy qundylyqty baǵalaı bilýge tıis. Ekinshi – bir­lik pen kelisim eldigimizdiń myz­ǵymas tuǵyry ekendigine toqtal­dy. Úshinshi – jer ata-baba mura­sy, halyq qazynasy. Elbasy jer týraly aıta kele, ata-baba ama­natyna adal bolyp, ulan-ǵaıyr je­rimizdi qorǵaý, ony bolashaq urpaqqa mıras etý jastardyń ortaq boryshy degenge erekshe basymdyq berdi. Tórtinshi – otbasy men salt-dástúr qoǵamnyń altyn dińgegi. Qaı kezeńde de biz úlkenge izet, kishige qurmet kórsetýdi dáripteıtin ata-dástúrimizdi berik ustanýymyz qajet ekendigi aıtyldy úndeýde. Besinshi – ulttyq mádenıet ha­lyq­tyń rýhanı tiregi ekendigi jó­ninde aıta kelip, órkenıetti 30 eldiń qataryna qosylý úshin materıaldyq qundylyqtarmen qatar rýhanı baılyqtyń mańyzy  joǵary ekendigine toqtaldy. Elbasy altynshy tuǵyrda ǵylym, bilim, eńbekke asa mán berip otyr. Jetinshi – pragmatızm prınsıpteri boıynsha jastar qanaǵatshyl, únemshil, ustamdy bolyp, ýaqytty oryndy paıdalanýǵa talpynǵan jón deı kele, tereń bilim alyp, adal eńbek etýge úndeıdi. Túıin­dep aıtqanda, Elbasynyń táýel­sizdik qurdastaryna úndeýi táýel­siz­digimizdi baıandy etip, el tutas­tyǵyn saqtap, otbasylyq qundy­lyq­tardy jańǵyrtyp, ult mádenıetin nası­hattap, tereń bilim men adal eńbekke den qoıǵan jasam­paz el bolamyz degen qaǵı­datpen tujyrymdala-
dy.

Elbasynyń «Eldiktiń jeti tuǵyry» qaǵıdattar jıyn­tyǵynda memlekettiliktiń jan-jaqty órkendeýine yqpal etetin kóptegen másele qozǵaldy. Osy baǵytta elimizdi álemge tanytýda qyz­met etý – bizdiń mindetimiz.  О́ıt­keni qazaqtyń tarıhy – maqtan etýge laıyqty, erlik pen eldiktiń tarı­hy. Endeshe, Elbasynyń urpaqqa ama­natyna adaldyq tanytyp, ulttyq qundylyqtardy ulyqtap, Qazaq­stannyń abyroıyn asqaqtatý jo­lynda eńbek etýimiz kerek. Elimizdiń táýelsizdik tuǵyry berik bolsyn!

Jangeldi MAHAShOV,

Otyrar memlekettik arheologııalyq

qoryq-mýzeıiniń dırektory