Mınıstrlik aqparatyna sáıkes, bul bastama qazaqstandyqtardy donor bolýǵa yntalandyrady.
«Facebook eldegi qan qoryn tolyqtyrýǵa kómektesý maqsatynda Qazaqstannyń densaýlyq saqtaý mınıstrligimen seriktes boldy. Bul joba adamdardy donorlyqtan habardar etip, donor bolý joldaryn izdeýdi jeńildetedi», dedi Meta kompanııasynyń ókilderi.
Birneshe sekýnd saıyn Qazaqstanda adam ómirin qutqarý úshin qan quıý qajet bolady, al bir donor úsh adamnyń ómirin saqtap qalýy múmkin.
Mınıstrlik aqparatyna sáıkes, kóp jaǵdaıda adamdar qandy qaıda jáne qashan tapsyrýǵa bolatynyn bilmeıdi. Facebook donor bolý joldary, pýnkterdiń qaıda ornalasqanyn, osy taqyryptaǵy is-sharalar týraly aqparatty tezirek tabýǵa kómektesetin fýnksııany usyndy.
«Densaýlyq saqtaý júıesi úshin qan qoryn saqtaý aýqymdy másele ekenin bilemiz. Qazaqstanda osy fýnksııany iske qosý arqyly qan donorlarynyń sanyn kóbeıtip, naýqastardy qanmen turaqty túrde qamtamasyz etýge úles qosa alamyz dep úmittenemiz», dedi Qytaı, Taıvan, Sıngapýr, Mońǵolııa jáne Ortalyq Azııanyń Meta kompanııasynyń memlekettik saıasat jónindegi basqarýshy dırektory Djordj Chen.
Densaýlyq saqtaý mınıstri Alekseı Soı Facebook bul mańyzdy joba ekenin atap ótti.
«Pandemııa kezinde donorlyq belsendilik birshama tómendedi, adamdar medısınalyq uıymdarǵa az bara bastady. Birlesken kúsh-jigerimizdiń arqasynda qan men onyń komponentteri tapshylyǵyna jol bermeýimiz kerek. Áleýmettik jelidegi osy jahandyq joba eldegi qan qoryn arttyrýǵa kómektesedi dep senemin», dedi Alekseı Soı.
Aıta keteri, bul fýnksııa 18-65 jas aralyǵyndaǵy adamdarǵa Facebook-te qan tapsyrý týraly aqparat alýǵa, jergilikti qan tapsyrý ortalyqtarynda qan tapsyrý múmkindigi týraly habarlamalar alýǵa jáne dostaryn qan tapsyrýǵa shaqyrýǵa múmkindik beredi.
Facebook bul aqparatty jańalyq arnalarynda habarlaý arqyly taratady nemese qoldanýshylar ony Facebook-ten «Qan tapsyrý» suranysy boıynsha taba alady.
