«2019 jylǵy 7 qarashada Omby qalasynda ótken Qazaqstan men Reseıdiń XVI óńiraralyq yntymaqtastyq forýmy aıasynda QR Indýstrııa jáne ınfraqurylymdyq damý mınıstrligi men Reseı Federasııasynyń Kólik mınıstrligi arasynda qazaqstan-reseı shekarasyndaǵy ótkizý pýnktteriniń jumys isteýi jónindegi birlesken is-qımyl baǵdarlamasyna qol qoıyldy», dep habarlady Asqar Mamın óz jaýabynda.
Onyń aıtýynsha, baǵdarlamada Qazaqstan-Reseı shekarasyna ótýdiń 5 jeńildetilgen pýnktiniń mártebesin ózgertý qajettiligi týraly máseleni pysyqtaý boıynsha is-sharalar kózdelgen (Kaztalovka (BQO) – Fomın (Saratov oblysy), Molodost (BQO) – Joǵarǵy Basqunshaq (Astrahan oblysy), Balqudyq (Atyraý oblysy) - Harabalı (Astrahan oblysy), Jırenqopa (Aqtóbe oblysy) - Pervomaı (Orynbor oblysy), Áıteke bı (Aqtóbe oblysy) – Soıýznoe (Orynbor oblysy).
«Osyǵan baılanysty Qazaqstan - Reseı jumys toby quryldy, olar atalǵan jeńildetilgen 5 ótý pýnkti boıynsha birlesken kóshpeli tekserýler júrgizdi, qorytyndysy boıynsha eki eldiń kólik vedomstvolary mınıstrleriniń orynbasarlarynyń basshylyǵymen beınekonferensııa ótkizildi», dep atap ótti Premer-mınıstr.
Beınekonferensııa barysynda Reseı tarapy 5 jeńildetilgen ótkizý pýnktiniń mártebesin eki jaqty ótkizý pýnktterine kelesi sebepter boıynsha aýystyrýdyń orynsyzdyǵy týraly habarlady:
- Qarqyndylyǵy tómen (táýligine 60 adamǵa deıin jáne 30-ǵa deıin jeńil avtomashına ótedi);
- О́tkizý pýnktterine qoıylatyn talaptarǵa sáıkes keltirý úshin qosymsha qarjy qarajaty qajet;
- Eki el arasynda 2025 jylǵa deıin jańǵyrtýdy talap etetin basym 25 ótkizý pýnkti bar;
- RF shekaralas oblystarynyń ákimshileri qoldaý kórsetpeıdi.
«Sonymen qatar, 2020 jylǵy 24 qarashadaǵy Qazaqstan Respýblıkasy men Reseı Federasııasy arasyndaǵy yntymaqtastyq jónindegi úkimetaralyq komıssııa otyrysynyń 22 - hattamasyna sáıkes taraptarǵa «Jánibek» - «Vınevka» jáne «Orda» - «Polynnyı» ótkizý pýnktteriniń mártebesin «ekijaqty» - «kópjaqty» etip ózgertý máselesin pysyqtaý tapsyryldy.
Bul rette, tiri janýarlardy Batys Qazaqstan oblysynyń Aýyl sharýashylyǵy aýdandaryna jetkizýdi jeńildetý maqsatynda Reseı tarapyna «Jánibek» - «Vıshnevka» jáne «Orda» – «Polynnyı» ótkizý pýnktteriniń mártebesin ózgertý jóninde suraý jiberildi, olardy jańǵyrtý Qazaqstan – Reseı memlekettik shekarasy arqyly ótkizý pýnktterin damytý jónindegi is-sharalar josparynyń sheńberinde 2020 – 2025 jyldar kezeńine (tıisinshe 2023 – 2024 jj.jáne 2024 – 2025 jj.) kózdelgen», dep túıindedi A. Mamın.
Taraptar atalǵan josparǵa 2021 jyldyń sońyna deıin qol qoıady dep kútilýde. Joǵaryda atalǵan tarmaqtardyń mártebesin Reseı tarapymen ózgertý jónindegi jumys jalǵasýda.
