Qazaqstan • 27 Qarasha, 2021

Brıýsselde Qazaqstanǵa ınvestısııa salý perspektıvalary talqylandy

45 ret kórsetildi

QR Prezıdenti Qasym-Jomart Toqaevtyń Belgııa Koroldigine resmı sapary aıasynda 20-dan astam iri eýropalyq kompanııa basshylyǵynyń qatysýymen «Qazaqstan - Belgııa - Lıýksembýrg: ınvestısııalyq yntymaqtastyq perspektıvalary» atty dóńgelek ústel ótti, dep habarlaıdy Egemen.kz Kazakh Invest baspasóz qyzmetine silteme jasap.

Sapar aıasynda iri belgııalyq kompanııalardyń basshylarymen Qazaqstanda birqatar perspektıvaly ınvestısııalyq jobalardy iske asyrý máseleleri boıynsha naqty kelissózder júrgizilip, birqatar kommersııalyq qujattarǵa qol qoıyldy.

QR Premer-Mınıstriniń orynbasary – Syrtqy ister mınıstri Muhtar Tileýberdi óziniń quttyqtaý sózinde Belgııanyń bıznes qaýymdastyǵyn ózara tıimdi yntymaqtastyqqa, Qazaqstan aýmaǵynda birlesken óndirister qurýǵa, sondaı-aq ekijaqty qatynastardy damytýdyń jańa nysandaryn birlesip izdeýge shaqyrdy. Sonymen qatar, ol AО́K, TMK, JEK, qurylys jáne t. b. qosa alǵanda, QR-daǵy basym salalardyń múmkindikteri týraly aıtyp berdi.

«Qazaqstan búginde ónerkásiptiń barlyq salalarynda ózara tıimdi bıznes úshin jańa jáne úlken múmkindikter beretin zor ınvestısııalyq áleýetke ıe. Elderimizdiń iskerlik ortalary qazirdiń ózinde belsendi yntymaqtasyp, birlesken jobalardy iske asyrýda. Bul sheteldik bıznes tarapynan Qazaqstanǵa degen joǵary senimniń belgisi», dedi QR Syrtqy ister mınıstri Muhtar Tileýberdi.

«Kazakh Invest» UK Basqarma tóraǵasy Meıirjan Iýsýpov Qazaqstandaǵy iskerlik ahýal týraly, sondaı-aq onyń ınvestısııalyq múmkindikteri týraly tolyǵyraq aıtyp berdi. О́z sózinde ol dóńgelek ústelge qatysýshylardy Qazaqstannyń ekonomıkalyq damýdaǵy jetistikterimen, Qazaqstan-Belgııa ınvestısııalyq yntymaqtastyǵynyń perspektıvalyq baǵyttarymen, sondaı-aq eldegi ınvestısııalyq ahýaldy odan ári jaqsartý úshin QR Úkimeti qabyldap jatqan sharalarmen tanystyrdy.

Dóńgelek ústel qorytyndysy boıynsha qazaqstandyq Olzha Argo Trade kompanııasy 16 mln AQSh dollary somasyna Vandeputte kompanııasymen Qazaqstannan Belgııaǵa zyǵyr jetkizý týraly kelisimge qol qoıdy. Sonymen qatar, Qazaqstannyń syrtqy saýda palatasy Brıýssel BECI Saýda-ónerkásip palatasymen jáne Flandrııa VOKA saýda-ónerkásip palatasymen eki memorandýmǵa qol qoıdy.

l

Sondaı-aq, is-shara aıasynda QR SIM Investısııalar jónindegi komıtetiniń, «Kazakh Invest» UK basshylyǵy áleýetti jáne iske asyrylyp jatqan ınvestısııalyq jobalar boıynsha belgııalyq tarappen birqatar B2B kezdesýler ótkizdi.

Máselen, eýropalyq iri qurylys materıaldaryn óndirýshi Soudal basshylyǵymen kezdesý aıasynda qazaqstandyq tarap Qazaqstandaǵy qyzmetti keńeıtý múmkindigin usyndy. Aıta ketsek, kelesi jyly kompanııa Batys Qazaqstan oblysynyń óńirlerinde birqatar ókildikter ashýdy josparlap otyr.

Budan basqa, spýtnıktik operatorlar arasynda aınalym boıynsha álemde ekinshi oryn alatyn SES kompanııasymen kezdesýde ınvestorlar sıfrlandyrý salasyndaǵy birqatar jobalardy iske asyrýǵa múddeli ekenin habarlady.

 

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar