Qazaqstan • 30 Qarasha, 2021

О́ńdeý ónerkásibine salynǵan ınvestısııalar 78,6%-ǵa deıin ósti

19 ret kórsetildi

QR Premer-Mınıstri Asqar Mamınniń tóraǵalyǵymen ótken Úkimet otyrysynda óńdeý ónerkásibin damytý máseleleri qaraldy, dep habarlaıdy Egemen.kz QR Premer-Mınıstriniń baspasóz qyzmetine silteme jasap.

 

Indýstrııa jáne ınfraqurylymdyq damý mınıstri Beıbit Atamqulov, energetıka mınıstri Maǵzum Myrzaǵalıev, aýyl sharýashylyǵy mınıstri Erbol Qarashókeev, «Báıterek» UBH» AQ basqarma tóraǵasynyń orynbasary Ádil Muhamedjanov, Qostanaı oblysynyń ákimi Arhımed Muhambetov, Atyraý oblysynyń ákimi Mahambet Dosmuhambetov, Aqtóbe oblysynyń ákimi Ońdasyn Orazalın, Qaraǵandy oblysynyń ákimi Jeńis Qasymbek baıandama jasady.

Memleket basshysy Qasym-Jomart Toqaevtyń Joldaýyna jáne «Nur Otan» partııasynyń baǵdarlamasyna sáıkes, Úkimet aldyna 2025 jylǵa qaraı óńdeý ónerkásibi óndirisin 1,5 esege ulǵaıtý mindeti qoıyldy.

Salada oń dınamıka qalyptasty. Bıylǵy jyldyń 10 aıynda salada 5,3%-ǵa ósim qamtamasyz etildi.

Jáırem jáne Aqtoǵaı TKBK qýatyn keńeıtý, altyn shyǵarý fabrıkasy men ferroqorytpa zaýytyn, mashına jasaý óndiristerin salý jónindegi iri jobalardy iske asyrý esebinen negizgi kapıtalǵa salynǵan ınvestısııalardyń 78,6%-ǵa 1,2 trln teńgege deıin aıtarlyqtaı ósýine qol jetkizildi.

О́ndiris kóleminiń eń kóp ósýi farmasevtıkada 33,6%-ǵa, mashına jasaýda 19,5%-ǵa, qurylys materıaldary óndirisinde 9,3%-ǵa, hımııa ónerkásibinde 6,5%-ǵa, azyq-túlik ónimderi óndirisinde 3,6%-ǵa baıqaldy.

Bıyl munaı-gaz hımııasy salasynda tehnıkalyq gaz ben oktan kóteretin qospa shyǵaratyn zaýyttar paıdalanýǵa berildi, sondaı-aq polıpropılen óndirý zaýyty (93%) aıaqtalý satysynda tur.

Bıyl Munaı-gaz mashınasyn jasaýdy damytýdyń halyqaralyq ortalyǵy quryldy, ol taýarlar óndirisin jergiliktendirýdi jáne otandyq óndirýshilerdiń múmkindikterin keńeıtýdi qamtamasyz etedi.

2021 jyly Indýstrııalandyrý kartasy sheńberinde tamaq ónerkásibinde, qurylys ındýstrııasynda, mashına jasaýda, metallýrgııada jáne basqa da salalarda 12,7 myń turaqty jumys ornyn qura otyryp, jalpy somasy 1,3 trln teńgege 139 ındýstrııalyq jobany iske qosý josparlanǵan. Onyń ishinde qazirgi ýaqytta 1 trln teńgege 83 joba iske qosyldy. Qalǵandary bıylǵy jeltoqsanda paıdalanýǵa beriledi.

Tolyq qýatpen jumys istegende bul jobalardyń óndiris kólemi 1,1 trln teńgeni quraıdy, óndirilgen ónimniń úshten biri eksportqa jiberiledi (350 mlrd teńgeden astam).

«Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósim» ulttyq jobasy aıasynda óńdeýshi sektorǵa erekshe oryn beriledi.

Premer-Mınıstr bıylǵy 10 jeltoqsanǵa deıin Úkimetke Indýstrııalyq-ınnovasııalyq damý tujyrymdamasynyń 2025 jylǵa deıingi ózektendirilgen jobasyn, 2022 jylǵy 1 naýryzǵa deıin óńirlerdiń erekshelikterin eskere otyryp, monoqalalarda iske asyrý úshin «zákirlik» ındýstrııalyq jobalar toptamasyn ázirleýdi tapsyrdy.

Indýstrııa jáne ınfraqurylymdyq damý mınıstrligine 2022 jylǵy 1 naýryzǵa deıin kásiporyndarda sıfrlyq sheshimderdi engizýdi yntalandyrý boıynsha qajetti normatıvtik quqyqtyq bazany qabyldaýdy qamtamasyz etý tapsyryldy.

«Memleket basshysy Qasym-Jomart Toqaevtyń óńdeý ónerkásibin damytýdy qamtamasyz etý jónindegi tapsyrmalary sapaly ári belgilengen merzimde oryndalýy tıis», dedi A. Mamın.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar