Qazaqstan • 02 Jeltoqsan, 2021

Kolleksııalyq monetalar aınalymǵa shyǵady

90 ret kórsetildi

Qazaqstan Ulttyq Banki KIIZ ÚI jáne SALIÝT-1 kolleksııalyq monetalaryn aınalymǵa shyǵaratynyn jarııalady, dep habarlaıdy Egemen.kz.

Nomınaldary 5 000 jáne 500 teńgelik kúmisten jasalǵan KIIZ ÚI monetalary «Dala qazynasy» serııasyn jalǵastyrady. Monetalardyń dızaıny kıiz úı keńistiginiń sheksizdigi men ondaǵy kóshpendiler áleminiń ornyn bildiredi.

Monetalardyń aversinde kıiz úı men dala keńistiginiń keltirilgen beıneleri aıasynda Memlekettik eltańbamyz ornalasqan, joǵary bóliginde QAZAQSTAN RESPÝBLIKASY jazýy, tómengi bóliginde Qazaqstan teńge saraıynyń taýar belgisi, monetalardyń nomınalyn bildiretin massasy 1 000 gramdyq monetada – «5 000 TEŃGE»  jáne massasy 31,1  gramdyq monetada – «500 TEŃGE» degen jazý oıylǵan.

1

2

Monetalardyń reversinde kıiz úıdiń, onyń ishki jabdyǵynyń beınesi men kóshpendi halyqtardyń etnomádenı ómirin aıqyndaıtyn turmystyq zattar beınelengen.       

2   

2

Nomınaly 500 teńgelik tantal bar kúmisten, nomınaly 200 teńgelik melhıor qospasynan jáne nomınaly 100 teńgelik neızılber qospasynan jasalǵan SALIÝT-1 kolleksııalyq monetalary «Ǵarysh» serııasyn jalǵastyrady. Monetalar Baıqońyr ǵarysh aılaǵynan basqarylatyn álemdegi alǵashqy «Salıýt-1» orbıtalyq ǵarysh stansııasynyń ushyrylǵanyna 50 jyl tolýyna oraılastyrylǵan.

Moneta aversiniń ortalyq bóliginde ótken men búginniń baılanysy retinde adam men Ǵalamnyń birligin bildiretin kompozısııa beınelengen. Monetalardyń oń jaǵynda: tantal aralas kúmisten jasalǵan monetada – «500 TEŃGE», melhıor qospasynan jasalǵan monetada – «200 TEŃGE», neızılber qospasynan jasalǵan monetada – «100 TEŃGE» nomınalyn bildiretin jazýlary bar.

1

Tantal bar kúmisten jasalǵan monetadaǵy nomınaldyń astynda moneta jasalǵan metaldy, onyń synamasy men massasyn bildiretin «Ag 925 14,6 g Ta 26,8 g» degen jazý ornalasqan. Tómengi jaǵynda – Qazaqstan teńge saraıynyń logotıpi bar. Monetaldyń jıegi memlekettik tilde «QAZAQSTAN RESPÝBLIKASY» jáne aǵylshyn tilinde «REPUBLIC OF KAZAKHSTAN» degen jazýmen kómkerilgen.

Monetalardyń syrt jaǵynda «Salıýt-1» orbıtalyq ǵarysh stansııasynyń beınesi ornalasqan. Monetalardyń memlekettik tildegi, orys jáne aǵylshyn tilindegi aty, sondaı-aq oqıǵanyń mereıtoılyq datasyn bildiretin «1971-2021» jazýy bar. Sol jaǵynda – ǵaryshtan kórinetin Jer betiniń beınesi. Tómengi bóliginde - aǵylshyn tilindegi BAIKONUR jazýy bar.

2

Aıta ketsek, monetalar kádesyılyq oramda shyǵarylady, olardyń memlekettik, orys jáne aǵylshyn tilderinde QUB-tyń nómirlik sapa sertıfıkaty bar.

Kolleksııalyq monetalar Qazaqstan teńge saraıynda daıyndalǵan.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar